Qlobal çağırışlar, milli qürur və yaşıl gələcək: Azərbaycanda dayanıqlı inkişafın yeni mərhələsi

Bakı:

25 °C

63 %

0 m/s

AZ RU EN

Ana səhifə / YAP xəbərləri / Qlobal çağırışlar, milli qürur və yaşıl gələcək: Azərbaycanda dayanıqlı inkişafın yeni mərhələsi

Qlobal çağırışlar, milli qürur və yaşıl gələcək: Azərbaycanda dayanıqlı inkişafın yeni mərhələsi

22.05.2026 [11:36]

Müasir Azərbaycan dövlət başçımızın uzaqgörən siyasəti sayəsində bu gün dünyada təkcə iqtisadi gücü və geosiyasi mövqeyi ilə deyil, həm də qlobal çağırışlara verdiyi yüksək töhfələrlə tanınır. Bir partiya təmsilçisi, xalqın içərisindən çıxmış bir vətəndaş olaraq qürurla deyə bilərəm ki, ölkəmizin əldə etdiyi hər bir uğur gələcəyə atılmış möhkəm və inamlı addımdır. Son dövrlərdə Bakıda keçirilən Ümumdünya Şəhərsalma Forumunun 13-cü Sessiyası da bu inkişafın ən parlaq təzahürlərindən biri oldu.

Qlobal platformada liderlik mövqeyimiz

Azərbaycan artıq beynəlxalq miqyaslı tədbirlərin ən uğurlu ev sahiblərindən biridir. Forumdakı iştirakçı göstəricisi ölkəmizin beynəlxalq nüfuzunu bir daha sübut edir: 182 ölkədən 45 mindən artıq qeydiyyata alınmış iştirakçının olması sadəcə bir statistika deyil; bu, COP29-dan sonra baş tutan növbəti nəhəng beynəlxalq tədbirin uğurudur və dünyanın Azərbaycana olan inamının, marağının göstəricisidir.

BMT ekspertlərinin və dünyanın dörd bir yanından gələn qonaqların bu cür mötəbər toplantısı qabaqcıl dünya təcrübələrini öyrənməklə yanaşı, öz unikal inkişaf modelimizi qlobal ictimaiyyətlə bölüşmək üçün bənzərsiz bir platformadır. Ölkəmizə ilk dəfə səfər edən qonaqlar şəhərimizi və şəhərsalma sahəsindəki uğurlarımızı öz gözləri ilə görmək imkanı əldə edirlər.

Tarixi irsimiz: memarlığımızda yaşayan qürur

Ölkəmizin inkişaf modeli təkcə göydələnlər və müasir infrastrukturlarla məhdudlaşmır; burada köklərimizə sıx bağlar mövcuddur. Cənab Prezidentin vurğuladığı kimi, biz təkcə musiqimizdə və şeirlərimizdə deyil, eyni zamanda, memarlıqda öz əksini tapan qədim tariximizlə qürur duyuruq. Bakıda qədim İçərişəhərlə müasir binaların, XIX əsrə aid Avropa üslublu memarlıq incilərinin yaratdığı təbii vəhdət əcdadlarımızın istedadının və tarixi irsimizə sahib çıxmağımızın bariz nümunəsidir.

Şamaxıdakı qədim məscidimiz, Naxçıvandakı Möminə xatun türbəsi, Gəncənin, Şəkinin qədim abidələri və işğaldan azad edilib sıfırdan bərpa olunan Qarabağın tacı Şuşa bizim milli kimliyimizdir. Dövlətimizin bu tarixi irsi gələcək nəsillərə ötürmək missiyası, partiyamızın da yerli səviyyədə milli-mənəvi dəyərlərin qorunması siyasətinin əsas xəttini təşkil edir.

Tarixən Şərqlə Qərbin qovuşduğu məkan olan Azərbaycan, bu gün öz memarlığında da qədim Şərq abidələri ilə XIX əsrə aid Avropa memarlığının təbii vəhdətini bütün dünyaya nümayiş etdirir və bu beynəlxalq sintez modelini uğurla qoruyur. Paytaxtımız dünyanın ən sürətli və qlobal miqyaslı Formula 1 yarışlarına qədim qala divarlarının düz yanından keçən küçələrdə ev sahibliyi edən çox azsaylı şəhərlərdəndir; bu da tarixi irsimizin həssaslıqla qorunması ilə yanaşı, müasirləşmə gündəliyində dünya miqyasında necə cəsarətli və peşəkar addımlar atıldığını göstərir.

Sağlam gələcək və ekoloji tarazlıq

Bütün bu nailiyyətlərlə yanaşı, Azərbaycan vətəndaşlarının sağlam və rahat mühitdə yaşaması dövlətimizin ali məqsədlərindəndir. Tarixən neft sənayesinin mərkəzi olan paytaxt Bakıda ekoloji vəziyyəti sağlamlaşdırmaq üçün ətraf mühit sahəsində xeyli işlər görülmüşdür.

Dövlətimizin qətiyyətli iradəsi nəticəsində vaxtilə çirklənmədən əziyyət çəkən "Qara şəhər" bu gün müasir şəhərsalmanın incisi olan "Ağ şəhər"ə çevrilmişdir. Son 20 ildə paytaxtımızda 100 ictimai yer və park yaradılmış, ekoloji təmiz ictimai nəqliyyat sistemləri qurulmuşdur. Lakin bu inkişaf yalnız paytaxtla yekunlaşmır. Cəmi 5 il ərzində işğaldan azad edilmiş, ərazilərimizdə də – Qarabağda və Şərqi Zəngəzurda kəndlər, yollar, xəstəxanalar və məktəblər yenidən inşa olunur, Böyük Qayıdış çərçivəsində on minlərlə vətəndaşımız öz dədə-baba yurdlarına geri dönür.

Məhz bu səbəbdən xalqımız bütün bu proseslərin sadəcə izləyicisi deyil, eyni zamanda ölkə rəhbərliyinin qlobal vizyonunun tətbiqi və dövlətimizin qüdrətlənməsinə öz töhfəsini verən fəal iştirakçısıdır.

Nəticə olaraq memarlığımızdan təbiətimizə, beynəlxalq nüfuzumuzdan yerli inkişafımıza qədər uzanan bu yolda birlikdə atılan inamlı addımlar bütün sahələrdə ölkəmizin beynəlxalq miqyasda nüfuzuna müsbət təsir edir və dünya üçün nümunəvi təcrübə formalaşdırır.

Gülnarə Qaralova – Azərbaycan Respublikası Elm və Təhsil Nazirliyinin

Elm, ali və peşə təhsil şöbəsinin ali təhsil sektorunun baş məsləhətçisi, YAP Nərimanov rayon təşkilatının fəal üzvü

Paylaş:

Baxılıb: 228 dəfə