Müstəqillik: Azərbaycanın qürur tarixi

Bakı:

24 °C

88 %

2 m/s

Əlaqə

AZ RU EN

Ana səhifə / YAP xəbərləri / Müstəqillik: Azərbaycanın qürur tarixi

Müstəqillik: Azərbaycanın qürur tarixi

26.05.2026 [11:21]

Azərbaycan xalqının tarixində 28 May xüsusi və qürurverici bir gündür. 1918-ci ilin məhz bu tarixində Şərqdə ilk demokratik respublika olan Azərbaycan Xalq Cümhuriyyəti yaradıldı. Bu tarixi hadisə xalqımızın azadlıq, milli dövlətçilik və müstəqillik arzularının gerçəkləşməsinin ilk böyük təntənəsi idi. Bu gün Azərbaycan Respublikasında Dövlət Müstəqilliyi Günü kimi böyük ehtiramla qeyd olunur.

Azərbaycan Xalq Cümhuriyyəti cəmi 23 ay yaşasa da, xalqımızın milli yaddaşında silinməz iz buraxdı. Həmin dövrdə dövlət atributlarının yaradılması, milli ordunun formalaşdırılması, ana dilinin dövlət dili elan edilməsi kimi mühüm addımlar atıldı. Lakin 1920-ci ildə bolşevik işğalı nəticəsində Azərbaycan müstəqilliyini itirdi.

1991-ci ildə Sovet İttifaqının süqutu ilə Azərbaycan yenidən dövlət müstəqilliyini bərpa etdi. Lakin ölkədə siyasi böhran, iqtisadi çətinliklər və vətəndaş qarşıdurması hökm sürürdü. Məhz belə ağır və taleyüklü bir dövrdə xalqın təkidli tələbi ilə hakimiyyətə qayıdan Ulu Öndər Heydər Əliyev Azərbaycan dövlətçiliyini böyük təhlükələrdən xilas etdi.

Heydər Əliyevin rəhbərliyi ilə ölkədə sabitlik bərpa olundu, dövlət institutları möhkəmləndirildi və müstəqil Azərbaycanın inkişaf strategiyası müəyyən edildi. Ulu Öndər qeyd edirdi ki, müstəqilliyi qazanmaq qədər onu qorumaq da çətindir. Buna görə də o, güclü dövlət quruculuğunu, milli həmrəyliyi və hüquqi islahatları prioritet istiqamətə çevirdi.

Məhz Heydər Əliyevin uzaqgörən siyasəti nəticəsində Azərbaycan beynəlxalq aləmdə etibarlı tərəfdaş kimi tanındı. “Əsrin müqaviləsi”nin imzalanması ölkəmizin iqtisadi müstəqilliyini möhkəmləndirdi, Azərbaycanın dünya enerji xəritəsində mühüm yer tutmasına şərait yaratdı. Dövlətçilik ənənələrinin qorunması, milli-mənəvi dəyərlərin yaşadılması və gənc nəslin vətənpərvərlik ruhunda yetişdirilməsi istiqamətində həyata keçirilən siyasət bu gün də uğurla davam etdirilir.

Bu gün Prezident İlham Əliyevin rəhbərliyi ilə Azərbaycan daha da güclənir, müstəqil dövlət kimi beynəlxalq arenada öz sözünü qətiyyətlə deyir. 44 günlük Vətən müharibəsində qazanılan möhtəşəm Zəfər də məhz Heydər Əliyev siyasi kursunun uğurlu davamının nəticəsidir.

28 May – Müstəqillik Günü yalnız bir tarix deyil, xalqımızın azadlıq iradəsinin, milli qürurunun və dövlətçilik əzminin simvoludur. Bu müqəddəs müstəqilliyin qorunmasında və möhkəmlənməsində Ulu Öndər Heydər Əliyevin xidmətləri əvəzsiz və danılmazdır. Azərbaycan xalqı bu böyük şəxsiyyətin dövlətçilik məktəbindən öyrənirik.

Bu gün Ulu Öndərin layiqli davamçısı cənab Prezident İlham Əliyevin rəhbərliyi ilə Azərbaycan Respublikasında demokratik, hüquqi, dünyəvi dövlət, vətəndaş cəmiyyəti quruculuğu prosesi, siyasi, iqtisadi və sosial islahatlar uğurla həyata keçirilir, ölkə iqtisadiyyatı dönmədən inkişaf etdirilir, əhalinin sosial müdafiəsinin gücləndirilməsi üçün əsaslı tədbirlər görülür. Qazanılmış nailiyyətlər hər bir Azərbaycan vətəndaşında qürur hissi doğurur. Prezident İlham Əliyevin uğurlu siyasəti nəticəsində xarici dövlətlərlə hərtərəfli beynəlxalq münasibətlər inkişaf etdirilib, balanslaşdırılmış siyasət nəticəsində Cənubi Qafqazda sabitlik təmin olunub, Azərbaycan Avropanın əsas enerji təchizatçılarından birinə çevrilib.

Ulu Öndərimiz demişdir: “Azərbaycanın dövlət müstəqilliyi daimidir, dönməzdir və bizim qarşımızda duran ən böyük vəzifə - dövlət müstəqilliyimizi qorumaqdan, əbədi etməkdən ibarətdir”.

Emil Vəliyev

YAP Culfa rayon təşkilatının fəalı

Paylaş:

Baxılıb: 431 dəfə