20 Yanvar - Azərbaycan tarixinin şanlı səhifəsi

Bakı:

27 °C

36 %

5 m/s

Əlaqə

AZ RU EN

Ana səhifə / YAP xəbərləri / 20 Yanvar - Azərbaycan tarixinin şanlı səhifəsi

20 Yanvar - Azərbaycan tarixinin şanlı səhifəsi

18.01.2014 [08:46]

YAP Qaradağ rayon təşkilatının təşəbbüsü ilə anım tədbiri keçirilib
Dünən Yeni Azərbaycan Partiyası (YAP) Qaradağ rayon təşkilatının təşəbbüsü ilə ARDNŞ-in “Azneft” İstehsalat Birliyi Ə.Əmirov adına NQÇİ-də 20 Yanvar faciəsi ilə bağlı anım tədbiri keçirilib. NQÇİ-nin rəisi Ramin Quliyev çıxış edərək bu günün Azərbaycan tarixinin şanlı səhifələrindən biri olduğunu vurğulayıb. Qeyd edib ki, 20 Yanvar faciəsi ölkəmizin müstəqilliyinin, azadlığının əldə edilməsində müstəsna rol oynayıb.
Tədbirdə çıxış edən YAP Siyasi Şurasının üzvü, partiyanın Qaradağ rayon təşkilatının sədri Aydın Hüseynov isə bildirib ki, 1990-cı il yanvarın 19-dan 20-nə keçən gecə sovet qoşunları Bakıda qırğınlar törətməklə xalqımızın mübarizə əzmini, azadlıq, müstəqillik arzularını sındırmaq niyyəti güdürdü.
YAP Siyasi Şurasının üzvü deyib ki, çox təəssüf ki, nə o zamankı hakimiyyət, nə də 1992-93-cü ildə iqtidarda olan AXC-Müsavat cütlüyü bu qədər genişmasştablı bir cinayətə nə hüquqi, nə siyasi qiymət vermədi. Azərbaycan xalqının başına gətirilən bu qanlı faciəyə ilk siyasi-hüquqi qiyməti verən, təhlükələrdən çəkinməyərək Sovet hakimiyyətinin bu əməlinə etiraz edən Ümummilli lider Heydər Əliyev oldu: “1990-cı il yanvarın 21-də Sovet rejiminin qadağalarına rəğmən, həyatını təhlükə qarşısında qoyaraq Azərbaycanın Moskvadakı daimi nümayəndəliyinə gələn Ulu öndər Heydər Əliyev qanlı faciənin tam təfərrüatı ilə dünya ictimaiyyətinə çatdırdı. Ümummilli lider Heydər Əliyev 1993-cü ildə hakimiyyətə qayıdışından sonra hadisəyə dövlət səviyyəsində münasibətin bildirilməsinin təşəbbüskarı olub, 20 Yanvar faciəsi dövlət səviyyəsində qiymətini alıb, şəhidlərin xatirəsinin əbədiləşdirilməsi istiqamətində mühüm addımlar atılıb. Ulu öndər Heydər Əliyevin siyasi kursunu uğurla davam etdirən Prezident İlham Əliyev 1990-cı ilin yanvarında şəhid olmuş oğul və qızlarımızın xatirəsinin əbədiləşdirilməsi, adlarının uca tutulması, onların ailələrinin, övladlarının sosial müdafiəsinin gücləndirilməsi üçün də mühüm işlər görmüşdür”.
Anım mərasimində çıxış edən YAP Qaradağ rayon təşkilatı Gənclər Birliyinin sədr əvəzi Ramiz Yusubov, Gənclər Birliyi İdarə Heyətinin üzvləri Ramin Əliyev, Elnarə Məmmədrəhimova, Zaməddin Həmişəyev, şəhid ailəsinin nümayəndəsi Nəzifə İsgəndərova o dövrdə baş verən siyasi proseslərdən, Azərbaycana qarşı edilən təzyiqlərdən danışıblar. Qeyd olunub ki, xalqımızın başına gətirilən faciələr yalnız həmin günlərdə yox, hər zaman diqqətdə saxlanılmalı, beynəlxalq aləmə çatdırılmalıdır.

Paylaş:

Baxılıb: 1221 dəfə