Göygöl rayonunda “Narkomaniya bəşəriyyətin bəlasıdır” mövzusunda dəyirmi masa keçirilib

Bakı:

27 °C

47 %

5 m/s

Əlaqə

AZ RU EN

Ana səhifə / YAP xəbərləri / Göygöl rayonunda “Narkomaniya bəşəriyyətin bəlasıdır” mövzusunda dəyirmi masa keçirilib

Göygöl rayonunda “Narkomaniya bəşəriyyətin bəlasıdır” mövzusunda dəyirmi masa keçirilib

29.06.2026 [12:46]

Yeni Azərbaycan Partiyası Göygöl rayon təşkilatı və Göygöl Rayon İcra Hakimiyyətinin və birgə təşkilatçılığı ilə keçirilən tədbirdə YAP Göygöl rayon təşkilatının sədri Vüqar İsayev, Göygöl Rayon İcra Hakimiyyəti başçısının müavini Kəmalə İbrahimova, Gənclər Evinin direktoru Şəhriyar İsmayılzadə, Mədəniyyət sektorunun müdiri Vüsal Rzayev, Uşaq və Ailələrə Dəstək Mərkəzinin direktoru Ülfanə Səfərova, təhsil, səhiyyə işçiləri və fəal gənclər iştirak edib.

Göygöl Gənclər evindəkeçirilən tədbirdə ilk öncə Azərbaycan Respublikasının qurucusu Ulu Öndər Heydər Əliyevin və torpaqlarımızın azadlığı uğrunda canlarından keçmiş şəhidlərimizin əziz xatirəsi bir dəqiqəlik sükutla yad edilib.

YAP Göygöl rayon təşkilatının sədri Vüqar İsayev çıxış edərək, keçirilən tədbirin gənclərin mənəvi əxlaqi tərbiyəsi və onlar arasında narkomanlığın və digər mənfi meyllərin aradan qaldırılması məqsədi daşıdığını vurğulayıb, gənclərə göstərilən dövlət qayğısından söhbət açaraq qeyd edib ki, narkotiklərin qanunsuz dövriyyəsi və narkomanlıq müasir dünyada son dərəcə mürəkkəb ictimai təhlükəli hadisədir. Onun vurduğu saysız-hesabsız ziyanın həcmi çox böyükdür və praktiki olaraq, heç bir ölçüyə sığmır. Bu, narkotik istifadəçisinin şəxsiyyətinin deqradasiyası, müxtəlif cinayətlər törədilməsinə təkan, cəmiyyətin maddi texniki və intellektual potensialının aşağı düşməsi, genefondun pisləşməsi və bir çox digər hallardır. Cinayətkarlığın artmasına səbəb olan narkotiklərin qanunsuz dövriyyəsi eyni zamanda terrorizmin maliyyə mənbəyi olmaqla beynəlxalq təhlükəsizliyə ən ciddi təhdidlərdən biri kimi çıxış edir.

Göygöl Rayon İcra Hakimiyyəti başçısının müavini Kəmalə İbrahimova çıxış edərək qeyd etmişdir ki, ölkəmizdə ilk dəfə narkomanlığa və narkotik vasitələrin qanunsuz dövriyyəsinə qarşı tədbirlər ümummilli lider Heydər Əliyevin 1996-cı il 26 avqust tarixli Fərmanında öz əksini tapmaqla, sosial-iqtisadi sabitliyin təmin edilməsi, insanların sağlamlığının, rifahının və mənəvi-əxlaqi dəyərlərinin qorunması, narkomanlığa və narkotiklərin qanunsuz dövriyyəsinə qarşı mübarizə ümumdövlət vəzifəsi kimi müəyyən edilmiş, narkotiklərin qanunsuz dövriyyəsi və narkomanlıqla mübarizə sahəsində dövlət siyasətinin strateji istiqamətləri dəqiq göstərilmişdir.

Bu strateji kurs Azərbaycan Respublikasının Prezidenti cənab İlham Əliyev tərəfindən uğurla davam etdirilməklə, problemə dəyişən şəraitə və tələblərə uyğun yanaşılması əsas vəzifələrdən birinə çevrilmişdir. Bu sahədə ölkəmizdə qətiyyətli mübarizənin təmin edilməsi məqsədi ilə “Narkotik vasitələrin, psixotrop maddələrin qanunsuz dövriyyəsinə və narkomanlığa qarşı mübarizəyə dair Dövlət Proqramları” qəbul edilmişdir.

YAP fəalı Nuranə Quliyeva “Narkomaniya bəşəriyyətin bəlasıdır” mövzusunda geniş məruzə ilə çıxış edib.

Natiqlərdən Mahir Musayev, Bəsdi Rəhimova, Şəhriyar İsmayılzadə, Ulfanə Səfərova və digərləri çıxış edərək narkomaniyanın törətdiyi fəsadlardan geniş söhbət açıb, narkotik vasitələrin və psixotrop maddələrin qanunsuz dövriyyəsinə qarşı mübarizə işində hamılıqla mübarizə aparmağın vacib olduğunu bildiriblər.

Sonra mövzu ətrafında müzakirələr aparılb və gəncləri maraqlandıran suallar cavablandırılıb.

Tədbirin sonunda narkomaniyanın törətdiyi fəsadlara dair hazırlanmış videoçarx nümayiş olunub.

Paylaş:

Baxılıb: 354 dəfə