YAP Salyan rayon təşkilatı Gənclər Birliyinin hesabat-seçki konfransı keçirilib

Bakı:

27 °C

56 %

3 m/s

Əlaqə

AZ RU EN

Ana səhifə / YAP xəbərləri / YAP Salyan rayon təşkilatı Gənclər Birliyinin hesabat-seçki konfransı keçirilib

YAP Salyan rayon təşkilatı Gənclər Birliyinin hesabat-seçki konfransı keçirilib

06.03.2015 [10:00]

Yeni Azərbaycan Partiyası (YAP) Salyan rayon təşkilatı Gənclər Birliyinin hesabat-seçki konfransı keçirilib. Salyan rayon Heydər Əliyev Mərkəzində keçirilən konfransda Salyan rayon İcra Hakimiyyətinin başçısı Tahir Kərimov, Yeni Azərbaycan Partiyası İdarə Heyətinin üzvü Kərim Kərimov, “Səs” qəzetinin baş redaktoru Bəhruz Quliyev, Yeni Azərbaycan Partiyasının Mərkəzi Aparatının məsul işçisi Ramil Mirzəyev, YAP Gənclər Birliyinin məsul işçisi Ümid Abuzərli və YAP Salyan rayon təşkilatının Gənclər Birliyinin üzvləri iştirak ediblər.
Tədbirdə çıxış edən YAP Salyan rayon təşkilatının sədri Rəşad Cəbrayılov ölkəmizdə gənclərə göstərilən diqqət və qayğıdan söz açaraq bildirib ki, Ümummilli lider Heydər Əliyevin əsasını qoyduğu bu siyasi kurs hazırda Prezident İlham Əliyev tərəfindən uğurla davam etdirilir. Qeyd edilib ki, gənclərin intellektual, fiziki və mənəvi inkişafını, ölkənin sosial-iqtisadi, ictimai-siyasi və mədəni həyatında fəal iştirakını təmin etmək məqsədi ilə Azərbaycan Respublikasının Prezidenti İlham Əliyev tərəfindən “2015-2025-ci illərdə Azərbaycan gənclərinin İnkişaf Strategiyası”nın təsdiq edilməsi haqqında Sərəncamın imzalanması bu kontekstdə müstəsna əhəmiyyət kəsb edir.
Tədbirdə hesabat məruzəsi ilə çıxış edən YAP Salyan rayon təşkilatının Gənclər Birliyinin sədri Nicat Əsgərov ölkəmizdə gənc nəslin sağlam, intellektual inkişafı istiqamətində mühüm tədbirlərin həyata keçirildiyini deyib. Onun sözlərinə görə, Yeni Azərbaycan Partiyası Gənclər Birliyinin üzvləri də hər zaman ölkə başçısının diqqət və qayğısını öz həyatlarında hiss edirlər. Bildirilib ki, Salyan gəncləri YAP Gənclər Birliyinin həyata keçirdiyi layihələrdə uğurla iştirak edir, yay və qış məktəblərində təmsil olunurlar.
Daha sonra çıxış edən Salyan rayon İcra Hakimiyyətinin başçısı Tahir Kərimov, Yeni Azərbaycan Partiyası İdarə Heyətinin üzvü Kərim Kərimov, “Səs” qəzetinin baş redaktoru Bəhruz Quliyev, Yeni Azərbaycan Partiyasının Mərkəzi Aparatının məsul işçisi Ramil Mirzəyev və YAP Gənclər Birliyinin məsul işçisi Ümid Abuzərli də dövlətimizin gənclər siyasətini hər zaman prioritet saydığını önə çəkiblər. Bildirilib ki, Azərbaycanın ictimai-siyasi həyatında mühüm rol oynayan, sıralarını günbəgün genişləndirən, bütövlükdə regionun aparıcı siyasi qüvvəsinə çevrilən Yeni Azərbaycan Partiyasında sağlam düşüncəli, vətənpərvər, yüksək intellektə və biliyə sahib gənclər birləşib.
Tədbirdə təşkilati məsələlərə də baxılıb. Sahib Nağıyev YAP Salyan rayon təşkilatı Gənclər Birliyinin sədri seçilib. Bundan başqa, konfransda partiya rayon təşkilatı Gənclər Birliyinin 41 nəfər Şura üzvü, 17 nəfər İdarə Heyəti üzvü də seçilib. Tədbirdə YAP Salyan rayon təşkilatı Gənclər Birliyinin sədr müavinləri və YAP Gənclər Birliyinin respublika konfransına nümayəndələr də seçilib.
Pərviz SADAYOĞLU

Paylaş:

Baxılıb: 1011 dəfə