Kəlbəcərlilərin seçimi Cavid Qurbanovdur

Bakı:

28 °C

51 %

10 m/s

Əlaqə

AZ RU EN

Ana səhifə / YAP xəbərləri / Kəlbəcərlilərin seçimi Cavid Qurbanovdur

Kəlbəcərlilərin seçimi Cavid Qurbanovdur

13.10.2015 [09:36]

YAP-ın 123 saylı Kəlbəcər Seçki Dairəsi üzrə Milli Məclis üzvlüyünə namizədi Cavid Qurbanovun təbliğat-təşviqat kampanıyasına start verilib
Yeni Azərbaycan Partiyasından (YAP) 123 saylı Kəlbəcər Seçki Dairəsi üzrə Milli Məclis üzvlüyünə namizəd Qurbanov Cavid Qənbər oğlunun təbliğat-təşviqat kampanıyasına start verilib. Kampaniya çərçivəsində oktyabrın 9-da Gənçə şəhəri Gülüstan qəsəbəsində, oktyabrın 10-da isə Gənçə şəhər Kəpəz rayonunda 600 evlik qəsəbədə və Yevlax şəhər Malbinəsi kəndində kəlbəcərli seçicilərlə görüş keçirilib.
Görüşləri giriş sözü ilə açan YAP Kəlbəcər rayon təşkilatının sədri Akif Əsgərov noyabrın 1-də keçiriləcək parlament seçkiləri barədə ətraflı məlumat verib. Rayon təşkiatının sədri həmçinin “2005-ci və 2010-cu illərdə Milli Məclisə keçirilən seçkilərdə biz YAP-ın namizədi Cavid Qurbanovun təbliğat-təşviqat kampanıyasını aparmışıq. Yenə də bu missiyanı həyata keçiririk və inanırıq ki, əvvəlki seçkilərdə olduğu kimi noyabrın 1-də də kəlbəcərli seçicilər öz layiqli namizədlərinə - Cavid Qurbanova səs verəcəklər” deyib.
Sonra “Aşıq Şəmşir” Mədəniyyət Ocağı İctimai Birliyinin sədr müavini Həbib Misirov YAP-ın 123 saylı Kəlbəcər Seçki Dairəsi üzrə Milli Məclis üzvlüyünə namizədi Cavid Qurbanovun Kəlbəcər ictimaiyyətinə müraciətini oxuyub.
Respublika Ağsaqqallar Şurasının üzvü, “Aşıq Şəmşir” Mədəniyyət Ocağının sədri Qənbər Qurbanov isə Kəlbəcər rayon ictimaiyyəti, ağsaqqalları, ziyalıları, gəncləri, Dədə Şəmşir ocağının ailə üzvləri və şəxsən öz adından Azərbaycan Respublikasının Prezidenti, Yeni Azərbaycan Partiyasının Sədri İlham Əliyevə və YAP-ın İdarə Heyətinə yenidən Cavid Qurbanovun namizədliyini irəli sürdükləri üçün minnətdarlığını bildirib.
Seçicilər qarşısında çıxış edən professor Şahlar Əsgərov YAP-ın hər zaman dövlətçiliyimizin keşiyində dayandığını bildirib. Ş.Əsgərov, həmçinin qarşıdan gələn parlament seçkilərində partiyanın namizədlərinin uğuruna inandığını deyib: “YAP xalqın partiyasıdır. 660 mindən çox üzvü olan bu təşkilatın sıralarında Azərbaycanın nüfuzlu ziyalıları, vətəndaşları təmsil olunur. İnanıram ki, kəlbəcərli seçicilər bir nəfər kimi qarşıdan gələn seçki prosesində də aktiv iştirak edəcək və yenidən layiqli namizədlərinə - Cavid Qurbanova səs verəcəklər”.
Sonra professor Şirindil Alışanov, şair-publisist Adil Cəmil, Əməkdar müəllim, şəhid atası Mirsəyyaf Zamanlı, seçicilərdən Surxay Səlimov, Saday Musayev, Gözəl Məmmədova və digərləri çıxış edərək Cavid Qurbanova səs verəcəklərini bildiriblər.
NADİR

Paylaş:

Baxılıb: 1118 dəfə