Elm və Təhsil Mərkəzi Təfəkkür Universitetində 31 dekabr - Dünya Azərbaycanlılarının Həmrəylik Günü münasibətilə tədbir keçirilib

Bakı:

23 °C

78 %

7 m/s

AZ RU EN

Ana səhifə / YAP xəbərləri / Elm və Təhsil Mərkəzi Təfəkkür Universitetində 31 dekabr - Dünya Azərbaycanlılarının Həmrəylik Günü münasibətilə tədbir keçirilib

Elm və Təhsil Mərkəzi Təfəkkür Universitetində 31 dekabr - Dünya Azərbaycanlılarının Həmrəylik Günü münasibətilə tədbir keçirilib

30.12.2016 [09:39]

Dünən Elm və Təhsil Mərkəzi Təfəkkür Universitetində 31 dekabr - Dünya Azərbaycanlılarının Həmrəylik Günü münasibətilə tədbir keçirilib. Tədbiri açan universitetin rektoru Rahim Hüseynov tədbir iştirakçılarını qarşıdan gələn Dünya Azərbaycanlılarının Həmrəylik Günü və Yeni il münasibətilə təbrik edib. Dünya Azərbaycanlılarının Həmrəylik Gününün tarixindən danışan rektor bu əlamətdar günün dünyada yaşayan bütün soydaşlarımız üçün böyük önəm daşıdığını vurğulayıb. O, Ümummilli lider Heydər Əliyevin təşəbbüsü ilə təsis edilən bu bayramın tariximizdə xüsusi yer tutduğunu qeyd edib.
Tədbirdə çıxış edən Yeni Azərbaycan Partiyası (YAP) Nərimanov rayon təşkilatının sədri Təmraz Tağıyev bildirib ki, Dünya Azərbaycanlılarının Həmrəylik Günü xalqımızın birlik, bərabərlik nümayiş etdirdiyi gündür. Onun sözlərinə görə, bu əlamətdar gün dünyanın müxtəlif ölkələrində yaşayan həmvətənlərimiz arasında birlik və həmrəylik yaratmaq istiqamətində əvəzsiz rol oynayır. Təşkilatın sədri xalqımızın müstəqillik və həmrəylik uğrunda keçdiyi şərəfli mübarizə yolundan, Ulu öndər Heydər Əliyevin Naxçıvan Muxtar Respublikası Ali Məclisinin Sədri kimi 1991-ci il dekabrın 16-da 31 dekabrın Dünya Azərbaycanlılarının Həmrəylik Günü kimi qeyd olunması ilə bağlı imzaladığı qərarın tarixi əhəmiyyətindən, Ümummilli liderin Vətən sevgisindən, Azərbaycanın dünyada tanıdılması, xaricdə yaşayan soydaşlarımızın tarixi vətənləri ilə sıx əlaqə qurmaları istiqamətində gördüyü işlərdən danışıb.
Diqqətə çatdırılıb ki, Ulu öndərin yenidən hakimiyyətə qayıdışından sonra respublikada həyatın bütün sahələrində dinamik inkişaf müşahidə olunub, dövlətçiliyimizin milli dayaqları sarsılmaz təməllər üzərində qurulub. Ulu öndər Heydər Əliyev hakimiyyətə gəlişi ilə bütün qüvvəsini Vətənimizi üzləşdiyi bəlalardan, xalqımızı çətin günlərdən xilas etməyə yönəldib. “Prezident İlham Əliyev Ulu öndər Heydər Əliyevin bütün ideyalarını həyata keçirməklə dünyada yaşayan azərbaycanlılara hər zaman dəstəyini nümayiş etdirir. Bu gün dünya xəritəsində Azərbaycan kimi dövlət var, öz sözünü deyir, deyəcək və bizim uğurlu inkişafımız bundan sonra da Prezident İlham Əliyevin yürütdüyü müdrik siyasət ilə təmin olunacaq”, - deyə T.Tağıyev vurğulayıb.
Tədbirdə həmçinin universitetin professoru, ərazi ilk partiya təşkilatının sədri Fikrət Mehdizadə, fəal gənclər Rəşadət Mürşüdov, Almaz Qocayeva çıxış ediblər. Sonda YAP sıralarına yeni qoşulan şəxslərə partiya vəsiqəsi təqdim olunub.

Paylaş:

Baxılıb: 1167 dəfə