Qaradağ rayonu Qobustan qəsəbəsinin sakinləri YAP-ın namizədlərini dəstəkləyəcək

Bakı:

24 °C

55 %

1 m/s

Əlaqə

AZ RU EN

Ana səhifə / YAP xəbərləri / Qaradağ rayonu Qobustan qəsəbəsinin sakinləri YAP-ın namizədlərini dəstəkləyəcək

Qaradağ rayonu Qobustan qəsəbəsinin sakinləri YAP-ın namizədlərini dəstəkləyəcək

03.12.2009 [09:40]

Yeni Azərbaycan Partiyası Qaradağ rayon təşkilatı Qobustan qəsəbəsində tədbir keçirib
Dekabr ayının 23-də keçiriləcək bələdiyyə seçkilərilə əlaqədar olaraq keçirilən təbliğat-təşviqat kampaniyası çərçivəsində Yeni Azərbaycan Partiyası (YAP) Qaradağ rayon təşkilatı dünən rayonun Qobustan qəsəbəsində tədbir keçirib.
Tədbirdə çıxış edən YAP Qaradağ rayon təşkilatının sədri, partiyanın Siyasi Şurasının üzvü Aydın Hüseynov ilk olaraq rayon təşkilatının bələdiyyə seçkilərinə hazırlıqla bağlı həyata keçirdiyi seçki hərəkətlərindən danışıb. O, bildirib ki, bələdiyyələr ölkəmizdə həyata keçirilən sosial, iqtisadi, mədəni, humanitar tədbirlərdə fəal iştirak etmək və vətəndaşların sosial məişət qayğılarının həllində aktivlik nümayiş etdirmək üçün səylərini gücləndirməlidir: “Bələdiyyələrin fəaliyyətinin təkmilləşdirilməsi onların qarşıdakı illərdə ölkə həyatının müxtəlif sahələrində aktiv iştirak etməsinə səbəb olacaq”.
Aydın Hüseynov deyib ki, YAP hər zaman xalqa xidmət prinsipini prioritet kimi seçki proqramlarında əsas götürüb: “Xalqa xidmət naminə” şüarı ilə bələdiyyə seçkilərində iştirak edən YAP, seçicilərin dəstəyilə qarşısına qoyduğu hədəflərə çatacaq. Əsası ümummilli lider Heydər Əliyev tərəfindən qoyulan və bu gün Prezident İlham Əliyev tərəfindən uğurla davam etdirilən siyasi kurs hər zaman vətəndaşların rifahının yaxşılaşmasına xidmət edib və bu gün də bu proses davam edir. Bu gün bələdiyyə seçkilərində namizədliyi irəli sürülən Yeni Azərbaycan Partiyası üzvləri də məhz bu siyasətin daha böyük uğurlarla nəticələnməsinə çalışacaq. Mən inanıram ki, dövlətçiliyə sədaqətli olan Qobustan qəsəbəsinin seçiciləri hər zaman olduğu kimi, bu dəfə də doğru seçim edəcəklər”.
Aydın Hüseynov Qobustan qəsəbəsinin seçicilərinin həmişə siyasi proseslərdə fəal iştirak etdiklərini və dekabrın 23-də bələdiyyələrə keçiriləcək seçkilərdə layiqli namizədlərə səs verəcəklərinə əmin olduğunu bildirib.
Sonra tədbirdə çıxış edən namizədlər qəsə
bədə görülən işlərlə bağlı ətraflı məlumat veriblər.
çıxış edən Qobustan qəsəbəsi bələdiyyəsinə namizəd İslam Rzayev qəsəbədə görülmüş işlərdən söz açıb: “Əminəm ki, qəsəbə sakinləri ötən müddət ərzində bələdiyyə tərəfindən görülmüş işləri təqdir edir. Yeni Azərbaycan Partiyası budəfəki bələdiyyə seçkilərində gənclərə və qadınlara böyük diqqət ayırdı. Bu, dövlətin gənclərə, qadınlara olan etimadının göstəricisidir. Əlbəttə ki, Qobustan qəsəbəsinin sakinləri bizə etimad göstərərlərsə, çalışacağıq ki, bu inamı fəaliyyətimizlə doğruldaq”.
YAP-ın Qobustan qəsəbəsi bələdiyyəsinə namizədi Gülnarə Məmmədova bildirib ki, bələdiyyələrin əsas funksiyası yerli problemləri həll etməkdir: “Əlbəttə ki, görülmüş bu işləri davam etdirmək lazımdır. Qobustan qəsəbəsinin sakinləri fəaliyyətilə inam qazanmış YAP-ın irəli sürdüyü namizədlərə bu dəfə də etimad göstərəcək, onlara səs verəcək”.
Digər namizəd Elşən Məmmədov vurğulayıb ki, bələdiyyələr yerli problemlərin həlli ilə yanaşı, digər dövlətlərin bələdiyyələrinin təcrübələrini də mənimsəməlidir: “Bələdiyyə sahəsində mövcud təcrübələri mənimsəmək lazımdır ki, işimizi düzgün quraq və bizə etimad göstərəcək insanların ümidlərini doğruldaq”.
Qaradağ rayonu Qobustan qəsəbəsi bələdiyyəsinə namizəd Şahin Kazımov isə bildirib ki, Yeni Azərbaycan Partiyasının namizədləri seçicilərin etimadını doğruldacaq.
Qəsəbə ağsaqqalı Əliyusif Əliyev Qobustan qəsəbəsi bələdiyyəsinin fəaliyyətinə toxunub: “Mən inanıram ki, qəsəbəmizin sakinləri bu dəfə də Yeni Azərbaycan Partiyasının namizədlərinə səs verəcək”.
Seçicilər isə öz növbəsində budəfəki bələdiyyə seçkilərində də Yeni Azərbaycan Partiyasının namizədlərinə səs verəcəklərini bildiriblər.

Paylaş:

Baxılıb: 1526 dəfə