Nərminə Yunusova: Gənclərimiz yeni-yeni qələbələrə əsas verən milli birliyimizi qorumalıdır

Bakı:

25 °C

83 %

3 m/s

AZ RU EN

Ana səhifə / YAP xəbərləri / Nərminə Yunusova: Gənclərimiz yeni-yeni qələbələrə əsas verən milli birliyimizi qorumalıdır

Nərminə Yunusova: Gənclərimiz yeni-yeni qələbələrə əsas verən milli birliyimizi qorumalıdır

17.07.2020 [08:02]

“Son günlərdə cəbhə xəttində baş verən hadisələr nəticəsində canı bahasına Vətənimizi qorumaq uğrunda şəhid olmuş general, zabit və əsgərlərimizin mərdliyi, ordumuzun şücaəti bizləri qürürlandırır. Erməni vəhşiliyinin daha bir sübutu olan bu təxribatın cavabını Azərbaycan Ordusu gecikmədən vermiş oldu”.
Bu fikirləri Yeni Azərbaycan Partiyası (YAP) Nərimanov rayon təşkilatı Gənclər Birliyinin sədri Nərminə Yunusova deyib.
N.Yunusova bildirib ki, ordumuz öz qüdrətini göstərməklə düşmənin layiqli cavabını verdi. Bu, işğalçılara və içimizdə olan məkrli düşmənlərə də layiqli cavab oldu: “Biz gənclər hər zaman cənab Prezidentin uzaqgörənliklə verdiyi qərarları dəstəkləyirik. Dövlət başçısının dünyaya örnək olan siyasətinin birmənalı dəstəkçisiyik. Böyük bir ordu olan Yeni Azərbaycan Partiyasının gəncləri olaraq hər an döyüşə hazır vəziyyətdə partiyamızın Sədri, Ali Baş Komandanımızın əmrini gözləyirik. Biz gənclər liderimizin iradəsinə, əzminə inanırıq. Necə ki, cənab İlham Əliyev Azərbaycan gəncliyinin dayağıdır, eləcə də biz gənclər hər zaman rəhbərimizin yanındayıq və qəbul etdiyi bütün qərarlara dəstəyimizi ifadə edirik!”.
N.Yunusova qeyd edib ki, gənclərimiz çirkin niyyətli insanların maraqlarına xidmət etməməli, ordumuzun, xalqımızın başını uca edən şəhidlərimizin-igidlərimizin ruhunu şad edəcək qələbələrə əsas verən birliyimizi qorumalıdır: “Generalını, zabitini, əsgərini şəhid verən dövlətin, ən əsası isə, ananın, valideynin içi sızlarkən, gözü yaşlıykən etikadan, tərbiyədən, milli maraqlardan kənar hərəkətlərdən uzaq durmaq gərək. Parlament binasında dağıntılar törətməklə, asayişi qoruyan polisə müqavimət göstərməklə, arzuolunmaz hərəkətlərlə torpağı yaş şəhid ruhunu, səngərdə düşmənə dərs keçən əsgər əzmini incitmək yalnız və yalnız Azərbaycanımıza qara yaxmaq, uğurlarına kölgə salmaq istəyən, xarici maraqlara xidmət edənlərin alətinə çevrilməkdir. Belə təxribatları bu millətin övladı, bu dövlətin vətəndaşı özünə yaraşdırmamalıdır!”.
“Düşməni sevindirən hərəkətlərə yol vermək, əndazədan çıxmaq dövlətimizin yürütdüyü siyasətə, milli adət-ənənəmizə, torpağı işğaldan azad etməyə köklənən məqsədə ziddir. Sərhəddəki düşmənlə mübarizəyə qoşulmaq adıyla içimizdəki düşmənə xidmət göstərmək damarınızda axan azərbaycanlı qanına yaraşmır. Hər kəsi bir olmağa, birlik olmağa səsləyir, dövlətimizi, xalqımızı dünya dövlətləri içində ən ali zirvədə qoruyub saxlayan, gecəsini, gündüzünü xalqın rifahı naminə həsr edən Prezidentimiz İlham Əliyevin siyasətini dəstəkləməyə çağırıram!”, -deyə N.Yunusova söyləyib.

Paylaş:

Baxılıb: 829 dəfə