Bakıda mühüm və mənalı uşaq rəsim sərgisi keçirildi

Bakı:

21 °C

56 %

3 m/s

Əlaqə

AZ RU EN

Ana səhifə / Xəbər lenti / Bakıda mühüm və mənalı uşaq rəsim sərgisi keçirildi

Bakıda mühüm və mənalı uşaq rəsim sərgisi keçirildi

01.06.2025 [16:51]

Bu gün can Azərbaycanda 1 İyun – Uşaqların Beynəlxalq Müdafiəsi Günüdür. Bu əlamətdar gün münasibətilə bütün uşaqlarımızı və onları böyüdən valideynləri ürəkdən təbrik edirəm.
Uşaqlarımıza uğur və xoşbəxt bir həyat arzulayıram.
Uşaqlar bizim gələcəyimizdir.
Bu günün uşağı sabahın böyüyüdür.
Uşaqlarımızı düzgün yetişdirməli, onlara ailə, vətən, bayraq, xalq və millət sevgisini aşılamalıyıq. Can Azərbaycanın valideynlərinin böyütdüyü övladlar Qarabağı azad etdilər.

Dünən Bakıda, bayramdan bir gün əvvəl çox mühüm bir tədbir keçirildi. Bu günə qədər iştirak etdiyim ən mənalı tədbir idi.

“Dünyada Uşaqların Mühafizəsi” adlı xeyriyyə rəsm sərgisi böyük marağa səbəb oldu.
Sərgidə uşaqların çəkdiyi yüzdən artıq rəsm nümayiş etdirildi. Bu rəsmlər uşaqların daxili dünyasını əks etdirirdi.

Bu mənalı xeyriyyə sərgisi Asterias Təlim və İnkişaf Mərkəzinin təsisçisi Nərgiz Çalbayın dəyərli təşəbbüsü, Azərbaycan-Türkiyə İş Adamları Birliyi və Leykemiya ilə Mübarizə İctimai Birliyinin əməkdaşlığı ilə baş tutdu.

Sərgidə Azərbaycan Milli Məclisinin Ailə, Qadın və Uşaq Məsələləri Komitəsinin sədri Hicran Hüseynova, millət vəkilləri, Azərbaycan-Türkiyə İş Adamları Birliyi idare heyətinin sədri Mürsəl Rüstəmov, Leykemiya ilə Mübarizə İctimai Birliyinin sədri Mehriban Bağırova, iş adamları və uşaqların valideynləri iştirak etdilər. Sərgiyə çox böyük maraq var idi.

Sərginin məqsədi:
Uşaqlarda emosional bağ və sosial dəyər formalaşdırmaq. Bu çərçivədə Nərgiz xanımın bu dəyərli təşəbbüsü uşaqlar arasında empatiya və sosial məsuliyyət hissini inkişaf etdirərək gələcəyin həm vicdanlı, həm də sosial baxımdan fəal Azərbaycan vətəndaşlarını formalaşdırmağı hədəfləyib.
Eyni zamanda layihə cəmiyyətin müxtəlif təbəqələri arasında qarşılıqlı insani və mərhəmət hisslərini, anlayış və həmrəylik bağlarını gücləndirməyə yönəlib.

Xeyriyyə məqsədi:
Sərgi tamamilə xeyriyyə məqsədi ilə təşkil olunmuşdur.
Çalbay ailəsinin bir dostu kimi mənim də müəyyən yardımımla bağlı məlumata sahibəm – sərgidə satışa çıxarılan bütün rəsimlərdən əldə olunan gəlir leykemiya ilə mübarizə aparan uşaqlara və uşaq sığınacaqlarında yaşayan azyaşlılara bağışlanacaq.

Bu qədər mənalı və önəmli təşəbbüsü həyata keçirən, bu sərgini yorulmadan təşkil edən, qəlbi sevgi və mərhəmətlə dolu olan Nərgiz xanıma dərin təşəkkürümü bildirirəm.
Həmçinin başda Nərgiz xanımın həyat yoldaşı Ayhan bəyə göstərdiyi dəstəyə və komandasına xidmətlərinə görə təşəkkür edirəm.

Hulusi Kılıç
Türkiyənin Azərbaycandakı sabiq səfiri
İMZA İB Türkiyə nümayəndəsi
Türkiyə-Azərbaycan Dostluq, Əməkdaşlıq və Həmrəylik İdarə Heyətinin üzvü

Paylaş:

Baxılıb: 451 dəfə