Prezident İlham Əliyevin son sosial paket çərçivəsində imzaladığı sərəncamlar 1 milyon insanı əhatə edir

Bakı:

27 °C

69 %

11 m/s

AZ RU EN

Ana səhifə / Xəbər lenti / Prezident İlham Əliyevin son sosial paket çərçivəsində imzaladığı sərəncamlar 1 milyon insanı əhatə edir

Prezident İlham Əliyevin son sosial paket çərçivəsində imzaladığı sərəncamlar 1 milyon insanı əhatə edir

18.12.2021 [14:47]

Prezident İlham Əliyevin imzaladığı sərəncamlar ilə Azərbaycanda sosial islahatların yeni mərhələsinə başlanılıb. Dövlət başçısının verdiyi qərarlar əhalinin sosial müdafiəsinin daha da gücləndirilməsi, sosial ödənişlərin artırılması istiqamətində növbəti mühüm addımların atılmasını təmin edəcək. İmzalanmış yeni sərəncamlarla minimum əməkhaqqı gələn ilin əvvəlindən 250 manatdan 300 manata çatdırılır ki, bununla da 800 min işçinin maaşının artırılması deməkdir. Həmçinin dövlət ümumi və peşə təhsili müəssisələrində çalışan 165 min işçinin, dövlət büdcəsindən maliyyələşən bir sıra təşkilatlarda işləyən 4 min nəfərin də maaşı artırılır. Bütövlükdə, Prezident İlham Əliyevin son sosial paket çərçivəsində imzaladığı sərəncamları 1 milyona yaxın insanın sosial rifahına dəstəkdir”. Bunu Yeni Azərbaycan Partiyası Nizami rayon təşkilatının sədri Ramil Vəlibəyov deyib.

Ramil Vəlibəyov bildirib ki, son artım nəzərə alınmaqla minimum əməkhaqqının 2,3 dəfə, orta aylıq əməkhaqqının 37 faiz artması ölkəmizdə son 4 ildə sosial ödənişlərdə baş verən ciddi artımların mühüm bir istiqamətinin əməkhaqları ilə bağlı olduğunu sübut edir: “Prezident İlham Əliyevin Sərəncamı ilə artırılan minimum əməkhaqqının artımı üçün illik əlavə maliyyə xərci 460 milyon manat təşkil edir. Heç şübhəsiz ki, bu artım son üç ildə sosial sahədə inqilabi xarakter alan, bütün istiqamətlər üzrə sosial ödənişlərdə ciddi artımları təmin edən islahatların davamıdır. Son üç ildə mühüm irəiləyiş olaraq ölkəmizdə minimum aylıq əməkhaqqı 130 manatdan 300 manata çatdırılıb. Gələn il üçün isə minimum əmək haqqı 2022-ci il üçün nəzərdə tutulan yaşayış minimumunu da 43 faiz üstələyəcək. Ümumiyyətlə, minimum əməkhaqqı artımı əhalinin gəlirlərində artımı təmin etməklə, əmək bazarındakı proseslərə müsbət təsir edir, xüsusilə işçi qüvvəsinin rəqabət qabiliyyətinin, əmək məhsuldarlığının artmasını, eyni zamanda əməyin leqallaşdırılmasını stimullaşdıracaq. Bununla yanaşı, dövlət büdcəsindən maliyyələşən bir sıra təşkilatlarda çalışan işçilərin maaşları 2022-ci il yanvarın 1-dən orta hesabla 20% artırılacaq. Bu məqsədlə dövlət büdcəsindən 9 milyon manat illik əlavə vəsait nəzərdə tutulub. Təhsil müəssisələrində çalışanların isə sosial müdafiəsinin gücləndirilməsi üçün dövlət büdcəsində 273 milyon manat illik əlavə vəsait nəzərdə tutulub”.

Ramil Vəlibəyov əlavə edib ki, Prezident İlham Əliyevin bu ilin oktyabr ayının 16-da imzaladığı “Əhalinin sosial rifahının qorunması sahəsində əlavə tədbirlər haqqında” Sərəncamı ilə ölkəmizdə sosial islahatların yeni mərhələsi başlanılıb və bu mərhələ 2,1 milyondan çox şəxsi əhatə edəcək, illik əlavə 1,5 milyard manat vəsait xərclənəcək: “Prezident İlham Əliyevin sosial sahəyə dair imzaladığı sərəncamlar, fərmanlar vətəndaşların sosial rifahının perspektivdə də daha etibarlı şəkildə qorunmasını təmin edəcək. Əmək haqlarında növbəti artımların edilməsini nəzərdə tutan sərəncamlar vətəndaş rifahının təmin edilməsinin, sosial müdafiəsinin gücləndirilməsinin Prezident İlham Əliyevin siyasətində başlıca istiqamətlərdən biri olduğunu növbəti dəfə təsdiqləyir”.

Paylaş:

Baxılıb: 986 dəfə