Ramazanın IV gününün duası, imsak və iftar vaxtı

Bakı:

25 °C

83 %

5 m/s

Əlaqə

AZ RU EN

Ana səhifə / Xəbər lenti / Ramazanın IV gününün duası, imsak və iftar vaxtı

Ramazanın IV gününün duası, imsak və iftar vaxtı

05.04.2022 [10:57]

Qafqaz Müsəlmanları İdarəsinin açıqladığı Ramazan təqviminə əsasən, aprelin 5-nə imsak vaxtı saat 04:51-də, iftar vaxtı isə 19:23-dür.

Ramazan ayının 4-cü gününün duası:

İmsak vaxtı üçün dua:

İlahi, əmrlərini yerinə yetirməkdə mənə qüvvət ver, zikrinin şirinliyini mənə dadızdır. Sənə layiqincə şükür etmək üçün məni ilhamlandır. Kərəminə and verirəm, məni öz himayəndə gizlət və qoru, ey görənlərin ən bəsirətlis?.

İftar duası:

İlahi, səndən ötrü oruc tutdum, sənin verdiyin ruzi ilə iftar açdım və sənə təvəkkül etdim. Bağışlayan və mehriban Allahın adı ilə. Ey hüdudsuz bağışlama sahibi, mənim günahlarımı bağışla.

Ramazan süfrəsi

Bu müqəddəs ayı rahat başa vurmaq üçün imsakda tox saxlayan qidalara üstünlük vermək məsləhətdir. Həm iftarda, həm də imsakda 1 stəkan süd içmək oruc tutan şəxslər üçün çox faydalıdır. Süd əhəmiyyətli kalsium və D vitamini mənbəyi olduğundan aclıq hissini yatıracaq.

Metabolizm gecə zəifləyir. Bu isə o deməkdir ki, iftarda yeyilən yeməklər bədənin yağlanmasını artırır. Bu vəziyyətin qarşısını almaq üçün imsak vaxtı südlü şorbalar içmək tövsiyə olunur. Ağ çörək yerinə qara çörəyə üstünlük verin. Qara çörək insanı həm daha tox saxlayır, həm də B qrupu vitaminlərlə zəngindir. Mütəxəssislər nəinki imsak vaxtı digər günlərdə də hər səhər bir yumurta yeməyi tövsiyə edir. Yumurta ən zəngin zülal mənbəyi olduğu üçün həm uzun müddət toxluq hissi yaradır, həm də bədənə enerji verir. Odur ki, imsak vaxtı hər səhər mütləq yumurta yeyin.

İmsakda mütləq bol meyvə yeyin. Tərkibində triptofan amin turşusu olan meyvələr iştahanı azaldır. Banan, avokado, yulaf, yaşıl noxud, fıstıq, lobya və süd triptofan baxımından zəngin qidalar siyahısına daxildir. Qanda şəkərin miqdarının sürətli enməsi və qalxması da aclıq hissini yaradan vacib amillərdən biridir. Meyvələr isə təbii şəkər mənbəyidir. İmsakda 2-3 porsiya meyvə yemək sizi gün ərzində rahatlaşdıracaq. Bundan başqa, imsakda göyərtini də unutmaq olmaz. Çünki onlardakı vitamin-mineral bədənin tələbatını ödəməsi baxımından əhəmiyyətlidir.

Oruc vaxtı ağız tez-tez quruyursa yaxşı olar ki, səhər imsakda limonlu çay içəsiniz. Təzyiq normadan çox aşağı düşürsə, səhər ac qarına 1 xörək qaşığı balı bir stəkan su ilə qarışdırıb içmək lazımdır. Bunu axşam da təkrar etmək olar. Əgər oruclu vaxtı ağzınız acı olursa, onda səhər solmazçiçəyi dəmləməsi için, iftarı isə kök, kələm, zeytun yağlı salatlarla açın, ət yeməklərini bir saatdan sonra yeyin.

Allah orucunuzu qəbul eləsin!

Paylaş:

Baxılıb: 716 dəfə