İranla Azərbaycan arasında uçuşların sayı və turizm axını artırılacaq

Bakı:

23 °C

50 %

2 m/s

Əlaqə

AZ RU EN

Ana səhifə / Xəbər lenti / İranla Azərbaycan arasında uçuşların sayı və turizm axını artırılacaq

İranla Azərbaycan arasında uçuşların sayı və turizm axını artırılacaq

02.06.2022 [17:46]

Azərbaycanla İran arasında hazırda həftədə iki dəfə həyata keçirilən uçuşların sayını dörd dəfəyə çatdırılması gözlənilir.

Bunu “Report”a Azərbaycandakı İran İslam Respublikası Səfirliyinin Mədəniyyət Mərkəzinin sədri Əli Purmərcan deyib.

Onun sözlərinə görə, hazırda İrana “Azərbaycan Hava Yolları” QSC-nin törəmə müəssisəsi “Buta Airways” hər həftənin cümə günləri, İranın “İrair” aviaşirkəti isə hər həftənin bazar ertəsi uçuşlar həyata keçirir: “Hazırda aparılan danışıqlarda Azərbaycanla İran arasında uçuşların sayını həftədə dörd dəfəyədək artırılması müzakirə olunur”.

Ə. Purmərcan əlavə edib ki, İranın Azərbaycandakı Səfirliyi istəyir ki, Azərbaycanla İran arasında quru yollar açılsın: “Quru yollar açılsa, iki ölkə arasında turist axını artacaq. Həm azərbaycanlılar İrana gedəcək, həm də İrandan Azərbaycana gələn turistlərin sayı çox olacaq. İranda azərbaycanlı turistlər ölkəyə gələnlərin sihayısında ilk üçlükdə qərarlaşıb. İldə 1 milyondan çox azərbaycanlı turistlər İrana gedirlər. Ona görə, ümid edirəm ki, quru yollar tezliklə açılar”.

İran rəsmisi Azərbaycanla mövcud olan mədəniyyət əlaqələrindən danışıb: “Bu il Azərbaycanla İran arasında mədəniyyət sahəsində bir sıra işlərin həyata keçirilməsi gözlənilir. Azərbaycanla İran arasında mədəniyyət sahəsi çox genişdir, bu il üçün planlarımız çoxdur. 20 il əvvəl Azərbaycanla İran arasında mədəniyyət sahəsində müqavilə imzalanıb. Bunun əsasında işlər aparılır. Gələcəkdə Azərbaycanla İran birgə İslam Sivilizasiyasına həsr olunmuş seminar keçiriləcək. Bu müştərək həyata keçiriləcək. Seminar Azərbaycan və İran elm xadimlərinin təşəbbüsü ilə həyata keçiriləcək. Bu seminarı Azərbaycanda təşkil etməyi planlaşdırırıq”.

O, film sənayesi sahəsində əməkdaşlığa da diqqət çəkib: “Bizim məqsədimiz budur ki, İranın film sənayesində çalışanlar Bakıya gəlsinlər və Bakıda müştərək film çəksinlər. Bir neçə ay əvvəl İranın bir neçə filmləri Azərbaycan televiziyalarına bəxş edilib. Bir neçə il əvvəl İranla Azərbaycan arasında bir müştərək film ərsəyə gəlib. Çox gözəl layihə idi, ümid ediriəm ki, bundan sonra da bu işlər davamlı olacaq. Hesab edirəm ki, Azərbaycanın Mədəniyyət Nazirliyinin bu işlərə marağı var. Pandemiya bitib artıq, biz bu istiqamətdə fəaliyyət göstərə bilərik”.

Ə.Purmərcan əlavə edib ki, bu il mayın 15-də Bakıda CASPINDEXPO 2022" beynəlxalq ticarət və sənaye sərgisi keçirilib: “Sərgidə bir neçə İran şirkəti iştirak edib. Bu ticarət əlaqələrinin inkişafı baxımından gözəl təşəbbüsdür. Biz bu kimi işlərin mədəniyyət sahəsində də təşkilini arzu edirik. Bununla yanaşı, mən İran tərəfinə layihə təqdim etdim ki, əl işləri ilə məşğul olan İran və Azərbaycan qadınlarının Azərbaycanda sərgisini təşkil edək. Bu layihənin üzərində işləyirik”.

O, bu il üçün Şuşa ili çərçivəsində hansısa işlərin həyata keçirilməsinə manasibət bildirib: “Bir neçə müddət əvvəl Ağdamda idim. Əfsus ki, Ağdamda heç bir tikili qalmayıb. Orda bildirdim ki, mədəniyyət, incəsənət sahəsində İranın əlindən nə gəlsə, biz kömək etməyə hazırıq. Ermənilərin viran etdiyi yerləri bərpa edək, onlar öz qədim görkəminə qovuşsunlar. Qarabağa gedəndə elə bilirəm ki, mənim öz vətənim, öz mülküm viran olub. Bizim mənəvi mirasımız, kökümüz, mədəniyyətimiz birdir”.

Paylaş:

Baxılıb: 1035 dəfə