Azərbaycan və Türkiyə türk dünyasının memarıdır

Bakı:

25 °C

70 %

15 m/s

Əlaqə

AZ RU EN

Ana səhifə / Xəbər lenti / Azərbaycan və Türkiyə türk dünyasının memarıdır

Azərbaycan və Türkiyə türk dünyasının memarıdır

06.05.2023 [12:06]

Türk xalqı bu seçkilərdən üzüağ çıxacaq

Günel ABBASOVA

Türkiyə son 20 ildə böyük bir yol keçdi. Son 20 ildə Türkiyə siyasi sabitliyin olmadığı, tez-tez hökumət böhranının yaşadığı, siyasi və iqtisadi kataklizmlərin olduğu, hərbi çevrilişlərin baş verdiyi, eyni zamanda terrorçuların aktiv fəaliyyət göstərdiyi bir ölkədən siyasi sabit, inkişaf edən texnoloji tərəqqiyə nail olan, terrorçuluq fəaliyyətinə son qoyan və böyük borcu olan ölkədən digər ölkələrə borc verən bir ölkəyə çevrildi. Türkiyə son 20 il ərzində ümumdaxili məhsulunu 5 dəfəyə yaxın artıra bildi. Bütövlükdə Şərq və Qərb arasında iqtisadi körpü rolunu oynayan bir körpü halına gəldi. Bu cəhətdən Türkiyənin güclü olması onu sevən, eyni zamanda ona müttəfiq olan hər bir dövlətin və ya xalqın arzusudur.

Milli Məclisin Azərbaycan-Türkiyə parlamentlərarası işçi qrupunun üzvü Tahir Mirkişili “Yeni Azərbaycan”a açıqlamasında bildirib ki, Türkiyə dünyanın 11-ci, Avropanın isə 4-cü ən böyük iqtisadiyyatına sahib olan ölkədir: “Türkiyənin hərbi gücü eyni zamanda onun müttəfiqlərinin hərbi gücüdür. Azərbaycan Türkiyə münasibətləri hər zaman qardaşlıq və “bir millət, iki dövlət” prinsipi üzərində qurulub. Azərbaycan və Türkiyə xalqları həmişə özlərini bir millət sayıblar. Məhz son 20 il ərzində Azərbaycan Prezidenti İlham Əliyevin və Türkiyə Prezidenti Rəcəb Tayyib Ərdoğanın qardaşlıq münasibətləri nəticəsində bu qardaşlıq xalqların qardaşlığının, həm də dövlətlərin qardaşlığına çevrilib. Bu çox önəmli bir nəticədir. Çünki məhz beynəlxalq arenalarda, eyni zamanda hər iki dövlətə qarşı olan təhlükələrdə hər iki dövlətin bir yumruq halında fəaliyyət göstərməsi bir çox təhlükələrin dəf edilməsində mühüm həlledici rol oynayır. Sonuncu belə bir mühüm nailiyyətimiz bizim Qarabağda əldə edilən Zəfərimizlə bağlı oldu. Məhz Azərbaycan Ordusunun müzəffər Ali Baş Komandanın rəhbərliyi ilə Qarabağda əldə etdiyimiz möhtəşəm zəfər həm də Türkiyə Azərbaycan dövlətləri arasında olan qardaşlığı və birgə əlaqələndirmənin mühüm nəticəsi oldu. Türkiyə Azərbaycanın Zəfərində daim siyasi, mənəvi, xalq və dövlət olaraq yanında oldu. Azərbaycan da Türkiyənin həm kədərində, həm də sevincində hər zaman türk xalqının yanında olub. Məhz sonuncu baş verən zəlzələ nəticəsində Azərbaycan dövlətinin başçısının tapşırığı ilə Azərbaycan xilasedicilərinin ən böyük sayda və ən birinci Türkiyədə olması, bu yaxınlarda Prezidentin tapşırığı ilə Kahramanmaraşda min mənzildən ibarət Azərbaycan məhəlləsinin salınması bütövlükdə Azərbaycan və Türkiyə arasındakı qardaşlığın və gələcəyə birgə baxışın ümdə bir göstəricisidir”.

Deputat qeyd edib ki, bu gün böyük bir türk dünyası qurulur: “Yüz illər ərzində əcdadlarımızın arzusu olan Türk dünyası bu gün reallaşmaqdadır. Bu türk dünyasının memarı Azərbaycan Prezidenti İlham Əliyev və Türkiyə Prezidenti Rəcəb Tayyib Ərdoğandır. Məhz bu iki şəxsin memarlığı, qətiyyəti və milli iradəsi ilə bu gün Çin sərhədindən başlayaraq Avropaya qədər böyük bir regionda haqqın, ədalətin, insanlarda milli-mənəvi dəyərlərin, iqtisadi inkişafın və texniki tərəqqinin hökm sürəcəyi böyük bir dünya qurulur. Məhz bu dünyanın qurulması dünyada baş verən əldalətsizliyə qarşı, eyni zamanda ikili standartlara qarşı dura biləcək yeni bir gücün yaranmasıdır. Bu türk dünyasının eyni zamanda çox böyük iqtisadi perspektivləri mövcuddur. Belə ki, bugünkü dünyada baş verən qeyri-sabitlik şəraitində şərq və qərb arasında mühüm körpü rolu oynayan çox sağlam, eyni zamanda milli identikliyə, ümumi mənəvi dəyərlərə və milli iradəyə söykənən bir dünyanın qurulmasıdır. Bu gündən sonra türk dünyasının qurulması kimi bir tarixi şansın reallaşmasında milli liderlərin, dövlətlərin güclü olması həlledici rol oynayacaqdır. Bu baxımdan Türkiyənin güclü, sabit olması, qəbul edəcəyi qərarlarda milli iradənin əsas götürülməsi gələcəkdə nəinki Türkiyənin, eyni zamanda bütün Türk dünyasının taleyini müəyyən edəcək çox mühüm amil olacaq. Ona görə də Türkiyədə məhz bu siyasətin davam etməsi və bundan sonrakı seçkilərdə də Türkiyənin buna qədərki siyasətinin daha da güclənməsi türk dünyasının xeyrinə və faydasına səbəb olacaq. Azərbaycan olaraq Türkiyənin daim güclü olmasını arzu edirik. Biz Yeni Azərbaycan Partiyası olaraq müttəfiqimiz AK Partinin seçkilərdə qalib gəlməsini arzu edirik. Düşünürük ki, həm AK partinin, həm də onun rəhbəri olan Rəcəb Tayyib Ərdoğanın türk xalqının rəğbətini və seçkiləri qazanmaq üçün kifayət qədər resursları var. Biz qardaş xalq kimi seçkilərdə türk xalqının qalib çıxaraq növbəti mərhələdə öz inkişafını, öz güclənməsini davam etdirməsini arzu edirik”.

Paylaş:

Baxılıb: 595 dəfə