TDƏŞ-ə üzv dövlətlərin diaspor məsələlərinə məsul qurumları arasında təcrübə mübadiləsinə dair iclas keçirilib

Bakı:

3 °C

87 %

11 m/s

AZ RU EN

Ana səhifə / Diaspor / TDƏŞ-ə üzv dövlətlərin diaspor məsələlərinə məsul qurumları arasında təcrübə mübadiləsinə dair iclas keçirilib

TDƏŞ-ə üzv dövlətlərin diaspor məsələlərinə məsul qurumları arasında təcrübə mübadiləsinə dair iclas keçirilib

09.02.2019 [10:45]

Fevralın 8-də Diasporla İş Üzrə Dövlət Komitəsində Türkdilli Dövlətlərin Əməkdaşlıq Şurasına (TDƏŞ) üzv dövlətlərin diaspor məsələlərinə məsul nazirlik və qurumları arasında təcrübə mübadiləsi proqramına dair iclas keçirilib. Komitədən qəzetimizə verilən məlumata görə, proqramda Diasporla İş üzrə Dövlət Komitəsinin, Türkiyə, Qazaxıstan, Qırğızıstanın müvafiq qurumlarının təmsilçiləri, həmin ölkələrin Azərbaycandakı səfirləri və digər qonaqlar iştirak edib.
Nümayəndə heyəti Fəxri xiyabanda Ümummilli lider Heydər Əliyevin məzarını, Şəhidlər xiyabanını və türk şəhidlərinin xatirəsinə ucaldılmış abidəni ziyarət etdikdən sonra toplantı öz işinə başlayıb.
Tədbiri açan Dövlət Komitəsinin sədri Fuad Muradov xaricdə yaşayan azərbaycanlılarla işin təşkili istiqamətində görülən işlərdən danışıb. Bildirib ki, əsası Ulu öndər Heydər Əliyev tərəfindən qoyulan diaspor siyasətini bu gün Prezident İlham Əliyev uğurla davam etdirir. F.Muradov Prezident İlham Əliyevin təşəbbüsü ilə Bakıda türk dövlətləri və cəmiyyətləri rəhbərlərinin qurultayının, eləcə də digər önəmli tədbirlərin keçirildiyini, bu istiqamətdə əhəmiyyətli qərarlar qəbul edildiyini xatırladıb. Türk Şurasına üzv ölkələrin diaspor sahəsində ortaq fəaliyyət planının tərkib hissəsi olan bugünkü tədbirin də ortaq maraq doğuran məsələlərdə əməkdaşlığın daha da gücləndirilməsinə, türkdilli diaspor şəbəkəsinin formalaşmasına öz töhfəsini verəcəyinə əminliyini ifadə edib.
Tədbirdə Azərbaycan Respublikası Diasporla İş üzrə Dövlət Komitəsinin, Türkiyənin Xaricdə Yaşayan Türklər və Əqrəba İcmalar İdarəsinin fəaliyyətindən bəhs edən videoçarxlar nümayiş etdirilib.
Bununla yanaşı, Türkiyənin Xaricdə Yaşayan Türklər və Əqrəba İcmaları İdarəsinin sədr müavini Abdulhadi Turus, səfir Erkan Özoral, Qazaxıstanın İctimai İnkişaf Nazirliyinin idarə rəisi Meiram İmanbayev və digərləri türk xalqları arasında əlaqələrin daha da genişləndirilməsi, diaspor fəaliyyətinin daha səmərəli təşkili istiqamətində fikirlərini bölüşüblər.
TDƏŞ Baş katibinin müavini Ömər Kocaman gələcək planlar barədə danışaraq, 2019-cu il üçün nəzərdə tutulan layihələri açıqlayıb. Qeyd edib ki, 2019-cu ilin martında Türkiyənin Xaricdə Yaşayan Türklər və Əqrəba İcmalar İdarəsinin dəstəyi ilə Almaniya və ya Fransada fəaliyyət göstərən türkdilli diasporlar və vətəndaş cəmiyyətlərinin nümayəndələri, may ayının sonu - iyun ayının əvvəlində isə DİDK rəhbərliyi ilə ABŞ-dakı türkdilli diaspor üzvləri üçün təlimin keçirilməsi planlaşdırılır.
Tədbir TDƏŞ nəzdində diasporla iş üzrə Təmas Qrupunun 5-ci iclası ilə davam edib.
MÜŞFİQƏ

Paylaş:

Baxılıb: 1857 dəfə