Sahibkarlar biznesə başlamaq prosedurları ilə bağlı məlumatlandırılıblar

Bakı:

24 °C

88 %

4 m/s

Əlaqə

AZ RU EN

Ana səhifə / İqtisadiyyat / Sahibkarlar biznesə başlamaq prosedurları ilə bağlı məlumatlandırılıblar

Sahibkarlar biznesə başlamaq prosedurları ilə bağlı məlumatlandırılıblar

17.03.2021 [20:55]

İqtisadiyyat Nazirliyi yanında Dövlət Vergi Xidməti (DVX) və Kiçik və Orta Biznesin İnkişafı Agentliyinin (KOBİA) birgə təşkilatçılığı ilə onlayn seminar keçirilib.

Dövlət Vergi Xidmətindən AZƏRTAC-a bildirilib ki, seminarda çıxış edən DVX-nın şöbə rəisi Hüsniyyə Abdullayeva sahibkarlığın təşviqi, biznesə başlamaq üçün yaradılmış müasir qeydiyyat sistemlərinin əhəmiyyətini vurğulayaraq dövlət qurumları tərəfindən biznesin elektronlaşdırılması ilə bağlı həyata keçirilən tədbirlər barədə məlumat verib.

Bildirilib ki, onlayn qeydiyyat sisteminin həyata keçirilməsində məqsəd biznesə başlama prosedurlarının sadələşdirilməsi, vaxta qənaət, şəffaflığın təmin olunması, məmur-sahibkar ünsiyyətinin minimuma endirilməsi və vətəndaş məmnunluğunun artırılmasıdır. Bu sistemə əsasən, qeydiyyat sənədləri vergiödəyicisinin elektron kabinetinə onlayn qaydada göndərilir və sənədlərin kağız daşıyıcılarda götürülməsinə zərurət yaranmır.

2018-ci ilin sonundan vergiödəyicisinin qeydiyyatı yeni üsulla (FİN-kod və mobil nömrə) aparılır ki, burada qeydiyyat, ƏDV qeydiyyatı və bank hesabının açılması cəmi bir prosedurla həyata keçirilir. Yeni üsulla qeydiyyat zamanı əmək müqavilələri Əmək və Əhalinin Sosial Müdafiəsi Nazirliyinin elektron sisteminə e-imza tələb olunmadan qeydiyyat zamanı elektron olaraq ötürülür, qeydiyyat sənədləri elektron dövriyyə edir.

Nəticədə qeydiyyat prosesi tam sadələşib, biznesə başlamaq üçün maliyyə vəsaiti və sənəd tələb olunmur, bütün informasiyalar vahid mərkəzdə toplanır, qeydiyyat məlumatları aidiyyatı orqanlara dərhal göndərilir. Elektron kabinetə göndərilmiş qeydiyyat sənədlərinin bütün dövlət qurumları, banklar, notariuslar və digər təşkilatlarda qəbul edilməsi üçün qanunvericilik bazası və inzibatçılıq da təkmilləşdirilib.

Beləliklə, qeydiyyat sahəsində aparılmış son islahatlar yerli investisiyalı MMC-nin dövlət qeydiyyatının maksimum elektronlaşdırılmasına imkan yaradıb.

Tədbir zamanı müvafiq sahədə aparılan islahatlar, qeydiyyat üzrə ləğv olunan prosedurlar, hüquqi şəxslərin bir prosedurla onlayn dövlət qeydiyyatı, elektron sistem və ondan istifadə qaydaları ilə bağlı proseslər əyani şəkildə izah edilib. Həmçinin təkmilləşdirilmiş elektron müraciət sisteminin üstünlükləri, ondan istifadə qaydaları ilə bağlı məlumat verilib, bununla bağlı hazırlanmış videoçarx nümayiş olunub, tədbir iştirakçılarının sualları cavablandırılıb.

“Elektron dövlət qeydiyyatından istifadə” mövzusunda təşkil olunmuş tədbirdə startaplar, mikro və kiçik sahibkarlıq subyektləri, eləcə də öz biznesini qurmaq istəyən şəxslər iştirak ediblər.

Paylaş:

Baxılıb: 850 dəfə