Dağıdıcı düşərgənin növbəti manipulyasiya cəhdi...

Bakı:

27 °C

37 %

4 m/s

Əlaqə

AZ RU EN

Ana səhifə / Siyasət / Dağıdıcı düşərgənin növbəti manipulyasiya cəhdi...

Dağıdıcı düşərgənin növbəti manipulyasiya cəhdi...

02.09.2021 [08:50]

Hər zaman antidövlət, antixalq mövqeyindən çıxış edən radikal müxalifət öz xislətindən əl çəkmir. 44 günlük Vətən müharibəsində Azərbaycan dövlətinin, rəşadətli Ordumuzun yanında olmayan dağıdıcılar, postmüharibə dövründə də “fəaliyyətlərini” xaricdəki ermənipərəst mərkəzlərin tezisləri əsasında qurublar. Düşərgə təmsilçilərinin son paylaşımları isə onların bəlli mərkəzlərdən yeni sifarişlər alındığına işarə edir. Amma bu sifarişləri kor-koranə icra edən dağıdıcılar bir daha özlərini gülünc vəziyyətə qoyurlar. Elə Gültəkin Hacıbəyli kimi. Belə ki, qondarma antimilli şuranın üzvü Gültəkin Hacıbəyli bu cür sifarişləri yerinə yetirmək üçün sosial şəbəkələrdə yeni yalanlar uydurmağa başlayıb. Bu dəfə də o, ölkəmizdə guya şəhid ailələrinə, qazilərə diqqət və qayğının göstərilmədiyini iddia edir. Təbii ki, bu yalanların heç bir əsası yoxdur. Vətən müharibəsində sağlamlıqlarını itirmiş qazilər, həmçinin ölkəmizin ərazi bütövlüyünün bərpası uğrunda gedən döyüşlərdə həyatlarını itirmiş şəhidlərin ailələri dövlətin hərtərəfli qayğısı ilə əhatə olunublar.
Məsələ ilə bağlı fikirlərini bölüşən Milli Məclisin deputatı, YAP İdarə Heyətinin üzvü Azər Badamov bildirib ki, Azərbaycan dövləti hər zaman şəhid ailələrinə və müharibə əlillərinə xüsusi diqqətlə yanaşır. Prezident İlham Əliyevin apardığı uğurlu syasət kursu nəticəsində şəhid ailələrinin və müharibə əlillərinin sosial müdafiəsinin gücləndirilməsi istiqamətində bütün lazımi addımlar atılır. Şəhid ailələrinin və müharibə əlillərinin sosial təminatı, postmüharibə dövründə onların sosial dəstək, məşğulluq, mənzil, fərdi ev və avtomobil təminatı istiqamətində mühüm işlər həyata keçirilir: “Bu kateqoriyadan olan 10 minə yaxın insan dövlət tərəfindən mənzillərlə, fərdi evlərlə təmin edilib. Eyni zamanda, bu günə qədər onlara dövlət tərəfindən 7200 avtomobil hədiyyə olunub. Göründüyü kimi, aparılan uğurlu fəaliyyət nəticəsində minlərlə şəhid ailəsinin və qazinin mənzil şəraiti yaxşılaşdırılıb. Ən əsası bu proses davamlıdır və qarşıdakı dövrdə də İkinci Qarabağ müharibəsində qəhrəmanlıq göstərmiş və “Vətən Müharibəsi Qəhrəmanı” adına layiq görülmüş şəxslər də mənzillərlə təmin ediləcəklər”.
Millət vəkili onu da qeyd edib ki, radikal müxalifətin bu məsələ ilə bağlı manipulyasiyaları fiaskoya məhkumdur.
Milli Məclisin deputatı Vüqar İskəndərov da radikalların bu manipulyasiya cəhdini uğursuz adlandırıb. Onun sözlərinə görə, bütün şəhid ailələri və qazilər dövlət tərəfindən qayğı ilə əhatə olunublar: “Prezident İlham Əliyevin son bir neçə ay ərzində imzaladığı müvafiq sənədlər əsasında şəhid ailələrinin təqaüdü 500 manata, 1-ci qrup müharibə əlillərinin təqaüdü 400 manata, 2-ci qrup müharibə əlillərinin təqaüdü 350 manata, 3-cü qrup müharibə əlillərinin təqaüdü isə 300 manata qədər artırılıb. O cümlədən şəhid ailələrinin və müharibə əlillərinin mənzillərlə təmin edilməsi yönündə addımlar atılmaqdadır. Cənab Prezidentimizin müvafiq Sərəncamına görə, qarşıdakı dövrdə də İkinci Qarabağ müharibəsində qəhrəmanlıq göstərmiş və “Vətən Müharibəsi Qəhrəmanı” adına layiq görülmüş şəxslər də mənzillərlə təmin ediləcəklər. Bütün bunlar bir daha onu göstərir ki, Vətən müharibəsində xalqın yanında yer almayan radikalların iddiaları tamamilə əsassızdır”.
Pərviz SADAYOĞLU

Paylaş:

Baxılıb: 571 dəfə