Heydər Əliyev
yeni azerbaycan logo

Ana səhifə / Sosial / 20 Yanvarla yaşıd MƏN

20 Yanvarla yaşıd MƏN

20.01.2017 [09:39]

Deyirlər, Vətənini, valideynlərini, bir də doğum tarixini insan özü seçmir. Ağlım kəsəndən həmişə düşünmüşəm, necə olub ki, bu ağır, həm də şərəfli il mənim doğum tariximə düşüb? Sualın cavabını böyüdükcə anlamışam: bu, sadəcə, taleyin işi deyil. Bu, təsadüf də deyil.
O vaxtdan 27 il keçir. Hər il bir yaş böyüdükcə o günün mahiyyətini daha dərindən dərk edirəm...
Azərbaycan XX əsrin 70 ilini sovet imperiyasının əsarəti altında yaşayıb. Və sonunda bu imperiya öz vətəndaşlarına qarşı dəhşətli cinayət işlədib. 1990-cı il yanvarın 20-də Bakıda günahsız insanlar amansızlıqla qətlə yetirilib. Bəziləri elə öz evindəcə gülləyə tuş gəlib. Xalqları istismarda saxlayan və bunu davam etdirmək istəyən rejimin - sovet sisteminin saxtakarlığı da məhz həmin gecə üzə çıxıb. Xalqımız cəsarət nümayiş etdirib, şəhidlər verib, amma sınmayıb, tükənməyib.
27 ildir xalqımız bu faciənin ağrılarını və qürurunu yaşayır. Və illər keçdikcə bu tarixin gətirdiyi qürur bütün ağrı-acıları üstələyib, kədərə qalib gəlib. Şəhidlər xiyabanı xalqın müqəddəs and yerinə çevrilib, Azərbaycan insanının qürurunu nümayiş etdirən ziyarətgaha dönüb. Dünəninə hörmət, sabahına zəmanət meydanına çevrilib...
Mən, 20 Yanvarın yaşıdı bu tarixdən nə öyrəndim, nə götürdüm? Bu sualın cavabında ağlıma hər şeydən əvvəl bu fikirlər gəlir: Azadlıq arzusu, mübarizlik ruhu, qəhrəmanlıq, müstəqilliyin qüruru...
Cəbrail Fərzəliyev
YAP Gənclər Birliyinin üzvü

Paylaş:
Baxılıb: 547 dəfə

Xəbər lenti

Hamısına bax

Analitik

Gündəm

Avropada birinci!

02 May 11:59  

Siyasət

Gündəm

Analitik

Ədəbiyyat

Balaca Buker

02 May 08:54

Ədəbiyyat

Şənbə üçün nəzm

02 May 08:31  

YAP xəbərləri

YAP xəbərləri

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31