Nəsimi rayonunda qaçqın və məcburi köçkünlərin problemlərinin həlli müzakirə olunub

Bakı:

26 °C

71 %

11 m/s

Əlaqə

AZ RU EN

Ana səhifə / Sosial / Nəsimi rayonunda qaçqın və məcburi köçkünlərin problemlərinin həlli müzakirə olunub

Nəsimi rayonunda qaçqın və məcburi köçkünlərin problemlərinin həlli müzakirə olunub

14.03.2017 [09:50]

Nəsimi rayonunda Azərbaycan Respublikasının Birinci vitse-prezidenti xanım Mehriban Əliyevanın sədrliyi ilə martın 9-da keçirilən müşavirədə verilmiş tapşırıqların icrası və qarşıya qoyulan vəzifələrlə bağlı məsələlər müzakirə olunub.
Nəsimi rayon İcra Hakimiyyətindən AZƏRTAC-a bildirilib ki, tədbirdə rayonun müəssisə və təşkilatlarının, yerli strukturlarının, xidmət sahələrinin, təhsil və səhiyyə ocaqlarının rəhbərləri, işğal olunmuş rayonların icra hakimiyyətlərinin nümayəndələri iştirak ediblər.
Rayon icra hakimiyyətinin başçısı Asif Əsgərov çıxış edərək bildirib ki, Ermənistanın Azərbaycana qarşı hərbi təcavüzü nəticəsində doğma yurd-yuvalarından didərgin salınmış bir milyondan artıq soydaşımızın mənzil-məişət şəraitinin yaxşılaşdırılması, həyat səviyyəsinin yüksəldilməsi dövlətimizin daim diqqət mərkəzində saxladığı prioritet sahələrdən biridir və hazırda bu sahədə qətiyyətli addımlar atılır. Ölkənin ən həssas təbəqəsi olan qaçqın və məcburi köçkünlərin üzləşdikləri problemlərin aradan qaldırılmasının əsası Ulu öndər Heydər Əliyev tərəfindən qoyulub. Bu siyasət Prezident İlham Əliyev tərəfindən uğurla davam etdirilir. Vurğulanıb ki, Azərbaycan Respublikasının Birinci vitse-prezidenti xanım Mehriban Əliyevanın sədrliyi ilə keçirilən müşavirənin qaçqın və məcburi köçkünlərin problemlərinin həllinə həsr olunması bir daha onu göstərir ki, xalqımızı narahat edən bu məsələnin həlli dövlət siyasətinin əsasını təşkil edir.
Tədbirdə Qaçqın və Məcburi Köçkünlərin İşləri üzrə Dövlət Komitəsinin Nəsimi rayonu sektorunun müdiri Bəyverdi Novruzov, Kəlbəcər Rayon İcra Hakimiyyətinin Nəsimi rayon üzrə nümayəndəsi Nizami Musayev, Xocalı rayon İcra Hakimiyyətinin Nəsimi rayon üzrə nümayəndəsi Sahibə Şahmuradova çıxış edərək məcburi köçkünlərə göstərilən diqqət və qayğıya görə Prezident İlham Əliyevə və Birinci vitse-prezident xanım Mehriban Əliyevaya dərin minnətdarlıqlarını bildiriblər. Azərbaycan Tibb Universitetinin təsərrüfat işləri üzrə prorektoru Aydın Vəliyev və 3 saylı peşə məktəbinin direktoru Sabir Əliyev çıxış edərək yataqxanalarda məskunlaşmış məcburi köçkünlərin mənzil-məişət şəraitləri barədə geniş məlumat veriblər. Həmçinin Rayon Məşğulluq Mərkəzi tərəfindən rayon ərazisində məskunlaşmış məcburi köçkünlərin Dövlət Proqramının tələblərinə uyğun olaraq işlə təmin edilməsi istiqamətində həyata keçirilən ardıcıl tədbirlərdən danışılıb, qarşıda duran vəzifələr müəyyənləşdirilib. Rayonun 5 və 20 saylı şəhər poliklinikalarının baş həkimləri Leyla Şərifova və Tamerlan İsmayılov çıxış edərək məcburi köçkünlərə göstərilən tibbi xidmət barədə danışıblar.
Sonda Nəsimi rayon İcra Hakimiyyətinin başçısı Asif Əsgərov müvafiq qurumlara tapşırıq və tövsiyələrini verib.

Paylaş:

Baxılıb: 630 dəfə