Heydər Əliyev
yeni azerbaycan logo

Ana səhifə / Sosial / Azərbaycanda uşaq hüquqları sahəsində qanunvericilik bazası ildən-ilə daha da təkmilləşdirilir

Azərbaycanda uşaq hüquqları sahəsində qanunvericilik bazası ildən-ilə daha da təkmilləşdirilir

30.08.2017 [10:16]

Ailə, Qadın və Uşaq Problemləri üzrə Dövlət Komitəsinin sədri Hicran Hüseynova BMT-nin Uşaq Fondunun (UNICEF) Azərbaycandakı nümayəndəliyinin rəhbəri Edvard Karvardinin başçılıq etdiyi nümayəndə heyəti ilə görüşüb.
Dövlət Komitəsindən AZƏRTAC-a verilən məlumata görə, görüşdə, həmçinin BMT-nin Uşaq Fondunun kommunikasiya və tərəfdaşlıq üzrə mütəxəssisi Ayna Mollazadə, komitənin sədr müavini Aynur Sofiyeva və əməkdaşları iştirak ediblər.
Hicran Hüseynova qeyd edib ki, Azərbaycanda uşaq məsələlərinə dövlət tərəfindən həmişə diqqət yetirilir və prioritet istiqamət təşkil edir. Azərbaycan Respublikasının Prezidenti İlham Əliyevin və Birinci vitse-prezident Mehriban Əliyevanın uşaq məsələlərinə diqqəti bu sahəyə qayğının daha da artırılmasına səbəb olub. O vurğulayıb ki, ölkəmizdə uşaq hüquqları sahəsində qanunvericilik bazası ildən-ilə daha da təkmilləşdirilir.
Hicran Hüseynova bu ilin noyabr ayında keçiriləcək Azərbaycan Uşaqlarının IV Forumuna hazırlıq haqqında qonaqları məlumatlandırıb.
BMT-nin Uşaq Fondunun Azərbaycandakı nümayəndəliyinin rəhbəri Edvard Karvardin uşaq hüquqlarının qorunması istiqamətində əldə olunan müsbət nəticələrdən danışıb.
Görüşdə BMT-nin Uşaq Fondunun Mərkəzi, Şərqi Avropa və Müstəqil Dövlətlər Birliyi üzrə regional direktoru Afşan Xanın Bakıda keçiriləcək IV Uşaq Forumunda iştirakı və Beynəlxalq Qızlar Günü ilə bağlı müzakirələr aparılıb.

Paylaş:
Baxılıb: 458 dəfə

Xəbər lenti

Hamısına bax

Xəbər lenti

Gündəm

Sosial

MEDİA

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31