Bilik Fondu ilə birgə Azərbaycanın müxtəlif bölgələrində BDU-nun yetirmələri, məzunları ilə yüz görüş və silsilə tədbirlər keçiriləcək

Bakı:

20 °C

77 %

1 m/s

AZ RU EN

Ana səhifə / Sosial / Bilik Fondu ilə birgə Azərbaycanın müxtəlif bölgələrində BDU-nun yetirmələri, məzunları ilə yüz görüş və silsilə tədbirlər keçiriləcək

Bilik Fondu ilə birgə Azərbaycanın müxtəlif bölgələrində BDU-nun yetirmələri, məzunları ilə yüz görüş və silsilə tədbirlər keçiriləcək

31.01.2018 [10:12]

Bakı Dövlət Universiteti ilə Bilik Fondu arasında əməkdaşlıq memorandumu imzalanıb
Yanvarın 30-da Azərbaycan Respublikasının Prezidenti yanında Bilik Fondu ilə Bakı Dövlət Universiteti (BDU) arasında əməkdaşlıq memorandumu imzalanıb.
AZƏRTAC xəbər verir ki, sənədi Bilik Fondunun icraçı direktoru Oqtay Səmədov və BDU-nun rektoru, akademik Abel Məhərrəmov imzalayıblar. Memorandumda birgə konfransların, simpoziumların, elmi-texniki layihələrin həyata keçirilməsi, elmi-tədqiqat işlərinin, kitabların nəşrinin, yaradıcı gənclər arasında müsabiqələrin və BDU-nun müəllimlərinin regionlarda mühazirələrinin təşkil edilməsi nəzərdə tutulur.
A.Məhərrəmov BDU-da aparılan elmi-tədqiqat işləri, müxtəlif elm sahələri üzrə yüksəkixtisaslı kadr hazırlığı barədə ətraflı məlumat verib. Bilik Fondunun ölkədə aparılan sosial-iqtisadi və elmi-texniki quruculuq proseslərinin mahiyyətinin ictimaiyyətə çatdırılmasını təmin edən bir qurum olduğunu vurğulayan rektor universitetin bu təşkilatla əməkdaşlığından məmnunluğunu bildirib.
Ölkəmizdəki sosial, iqtisadi, elmi, mədəni inkişafın, quruculuq proseslərinin əsasında Ümummilli lider Heydər Əliyevin uzaqgörən və müdrik siyasətinin dayandığını deyən A.Məhərrəmov hazırda bu siyasətin dövlətimizin başçısı tərəfindən uğurla davam etdirildiyini söyləyib.
Diqqətə çatdırılıb ki, memorandumun imzalanmasının əsas məqsədi ölkədəki maarifçiliyi, sosial-iqtisadi, mədəni prosesləri, Azərbaycanın bütün sahələrdəki inkişafını BDU-nun müəllimləri ilə birgə xalqa dolğun şəkildə çatdırmaqdır.
Prezident İlham Əliyevin “Bakı Dövlət Universitetinin 100 illik yubileyinin keçirilməsi haqqında” 2017-ci il 14 noyabr tarixli Sərəncamını xatırladan rektor bildirib ki, müqavilə çərçivəsində, həmçinin Bilik Fondu ilə birgə Azərbaycanın müxtəlif bölgələrində BDU-nun yetirmələri, məzunları ilə yüz görüş və silsilə tədbirlər keçiriləcək. Bu görüşlər haqqında məlumatlar ali məktəbin yubileyinədək kitab şəklində nəşr olunacaq.
Bilik Fondunun icraçı direktoru Oqtay Səmədov rəhbərlik etdiyi təşkilatın fəaliyyətindən, görülən işlərdən, həyata keçirilən layihələrdən söz açıb. Hər iki qurumun elmin, təhsilin inkişafına xidmət etdiyini deyən O.Səmədov fondun yeddi maarifləndirici proqram üzrə 21 layihə həyata keçirdiyini söyləyib. Bildirilib ki, fondun 76 rayon və şəhərdə nümayəndəsi fəaliyyət göstərir. Bu günədək Bilik Fondunun müxtəlif bölgələrdə doqquz Bilik Evi yaradılıb. Bilik Fondu fəaliyyətə başladığı gündən BDU ilə əməkdaşlıq edir. Fond tərəfindən təşkil edilən mühazirələrdə BDU-nun altmışdan çox əməkdaşı mühazirə söyləyib.
Diqqətə çatdırılıb ki, BDU-nun 100 illik yubileyi ərəfəsində universitet ilə birgə Bakıda, bölgələrdə və xarici ölkələrdə müxtəlif tədbirlər keçiriləcək.
Sonda akademik A.Məhərrəmov “Universitetin dostu” mükafatını O.Səmədova təqdim edib.

Paylaş:

Baxılıb: 493 dəfə