Gürcüstanın daxili işlər naziri ölkəmizə işgüzar səfərə gəlib

Bakı:

26 °C

69 %

10 m/s

Əlaqə

AZ RU EN

Ana səhifə / Sosial / Gürcüstanın daxili işlər naziri ölkəmizə işgüzar səfərə gəlib

Gürcüstanın daxili işlər naziri ölkəmizə işgüzar səfərə gəlib

16.02.2018 [09:58]

Azərbaycan Respublikasının daxili işlər naziri, general-polkovnik Ramil Usubovun dəvəti ilə Gürcüstan Baş nazirinin müavini, daxili işlər naziri Giorgi Qaxaria ölkəmizə ikigünlük işgüzar səfərə gəlib.
Daxili İşlər Nazirliyinin mətbuat xidmətindən AZƏRTAC-a bildiriblər ki, fevralın 15-də daxili işlər naziri R.Usubov gürcü həmkarı G.Qaxaria ilə görüşüb.
Görüşdə xalqlarımız arasındakı dostluğun qədim tarixə malik olduğu, ikitərəfli münasibətlərin, o cümlədən Daxili İşlər nazirlikləri arasında əlaqələrin hər iki ölkə rəhbərliyinin siyasi iradəsinə, müəyyənləşdirdikləri strategiyaya uyğun olaraq uğurla inkişaf etdiyi, belə görüşlərin əməkdaşlığın daha da dərinləşdirilməsinə töhfə verdiyi bildirilib. Təmsil etdikləri ölkələrdə cinayətkarlıqla mübarizənin vəziyyəti və kriminogen durum barədə məlumat verən nazirlər məmnunluqla vurğulayıblar ki, ictimai asayişin qorunmasının yüksək səviyyədə təşkili, daxili sabitlik və təhlükəsizliyin təmin olunması, bütün sahələrdə olduğu kimi, turizmin inkişafına da müsbət təsirini göstərir.
Nazirlər ötən illər ərzində Daxili İşlər nazirlikləri arasında imzalanmış sənədlərin, həmçinin “Azərbaycan Respublikasının və Gürcüstanın sərhəd bölgələri daxili işlər orqanlarının əməkdaşlığı haqqında” Sazişin icrasının xüsusilə sərhədyanı bölgələrin daxili işlər orqanları arasında sıx işbirliyinin və işgüzar mühitin formalaşmasına əlverişli şərait yaratmasından məmnunluqlarını bildiriblər. Həmçinin bunun informasiya və təcrübə mübadiləsində özünü daha qabarıq şəkildə göstərməsinin, transmilli cinayətkarlığın bütün növləri ilə, o cümlədən kibercinayətkarlıqla mübarizə sahəsində səmərəli əməkdaşlığın, ilk növbədə, dost və qardaş xalqlarımızın mənafelərinə, bölgədə təhlükəsizliyin təmininə xidmət etməsinin önəmi xüsusi vurğulanıb.
Problemlərə toxunularkən narkotiklərin qanunsuz dövriyyəsi, beynəlxalq terrorçuluq, insan alveri və qanunsuz miqrasiya ilə mübarizənin daim diqqət mərkəzində dayandığı, onlara qarşı səmərəli mübarizənin yalnız birgə səylərlə mümkünlüyü qeyd olunub.
Yüksək qonaqpərvərliyə və əməkdaşlığın genişləndirilməsi istiqamətindəki fəaliyyətinə görə Azərbaycan Respublikasının daxili işlər naziri Ramil Usubova minnətdarlığını bildirən Gürcüstanın Baş nazirinin müavini, daxili işlər naziri Giorgi Qaxaria ikitərəfli əlaqələrin inkişafına böyük önəm verdiklərini, bunun üçün gələcəkdə də səylərini əsirgəməyəcəyini bildirib.
Görüşdə tərəfləri maraqlandıran digər məsələlər də müzakirə olunub.

Paylaş:

Baxılıb: 618 dəfə