BSU-da 17 xarici ölkə səfirinin və diplomatik korpus nümayəndələrinin iştirakı ilə Xocalı soyqırımına həsr olunmuş geniş tədbir keçirilib

Bakı:

30 °C

45 %

3 m/s

AZ RU EN

Ana səhifə / Sosial / BSU-da 17 xarici ölkə səfirinin və diplomatik korpus nümayəndələrinin iştirakı ilə Xocalı soyqırımına həsr olunmuş geniş tədbir keçirilib

BSU-da 17 xarici ölkə səfirinin və diplomatik korpus nümayəndələrinin iştirakı ilə Xocalı soyqırımına həsr olunmuş geniş tədbir keçirilib

26.02.2020 [09:28]

Fevralın 25-də Bakı Slavyan Universitetində (BSU) Yeni Azərbaycan Partiyası təmsilçilərinin, 17 xarici ölkə səfirinin və diplomatik korpus nümayəndələrinin, müxtəlif dövlət qurumlarının məsul şəxslərinin, universitet rektorlarının, tanınmış ictimai-siyasi, elm, təhsil, mədəniyyət və incəsənət xadimlərinin, media strukturları rəhbərlərinin, qeyri-hökumət təşkilatları təmsilçilərinin və Qarabağ müharibəsi veteranlarının iştirakı ilə Xocalı soyqırımının iyirmi səkkizinci ildönümünə həsr olunmuş “Xocalı soyqırımı - əsrin faciəsi” adlı geniş tədbir keçirilib.
Tədbirdən öncə Xocalı faciəsinə həsr olunmuş sərgiyə baxış keçirilib, iştirakçılara matəm rəmzi olan qara lentlər və BSU-nun Xocalı soyqırımına həsr olunmuş bukletləri paylanılıb. Sonra tədbir BSU-nun akt zalında davam etdirilib.
Tədbirdə əvvəlcə Xocalı soyqırımı qurbanlarının, eləcə də Azərbaycanın ərazi bütövlüyü və dövlət müstəqilliyi uğrunda şəhid olmuş soydaşlarımızın əziz xatirəsi bir dəqiqəlik sükutla yad edilib.
Tədbiri giriş sözü ilə açan BSU-nun rektoru, professor Nurlana Əliyeva bildirib ki, xalqımızın və bəşəriyyətin tarixinə qanlı faciə kimi daxil olmuş Xocalı soyqırımından 28 il keçir. 28 il bundan öncə ermənilər xalqımıza qarşı xüsusi qəddarlıqla və böyük amansızlıqla Xocalı soyqırımını törədiblər. Xain, məkrli və namərd qonşularımız olan ermənilər iki əsrdən çoxdur ki, xalqımıza qarşı soyqırımı və deportasiya siyasəti aparırlar. Xocalı soyqırımı bu mənfur və məkrli siyasətin ən qanlı, ən faciəli səhifələrindən biridir. Xocalıda dinc mülki əhali, o cümlədən körpələr, qadınlar, qocalar xüsusi vəhşiliklə qətlə yetiriliblər. Xocalı soyqırımı xalqımıza qarşı törədilmiş böyük hərbi cinayətdir.
Tədbirdə BSU-nun tələbə-gəncləri dünyanın müxtəlif dillərində “Xocalıya ədalət!” şüarını səsləndiriblər.
O cümlədən Heydər Əliyev Fondunun sifarişi ilə ingilis dilində çəkilmiş “Xocalı qətliamı” filmi nümayiş etdirilib.
Daha sonra Xocalı faciəsinin şahidi, Xocalı hava limanının əməkdaşı olmuş Nazim Hüseynov “Bir gecənin faciəsi” mövzusunda çıxış edərək şahidi olduğu qanlı hadisələr barədə ürəkağrısı ilə danışıb.
Sonda quruluşçu rejissoru Əli Natiqoğlu olan və BSU-nun tələbə-gənclərinin səhnələşdirdikləri Xocalı soyqırımı qurbanlarına həsr olunmuş “Ana harayı” tamaşası nümayiş etdirilib.
MÜŞFİQƏ

Paylaş:

Baxılıb: 467 dəfə