“Yüksəliş” müsabiqəsi Azərbaycan diasporu mövzusunda vebinar keçirib

Bakı:

29 °C

45 %

3 m/s

Əlaqə

AZ RU EN

Ana səhifə / Sosial / “Yüksəliş” müsabiqəsi Azərbaycan diasporu mövzusunda vebinar keçirib

“Yüksəliş” müsabiqəsi Azərbaycan diasporu mövzusunda vebinar keçirib

02.09.2020 [09:04]

Sentyabrın 1-də “Yüksəliş” müsabiqəsinin İşçi Qrupu tərəfindən “Azərbaycan diasporunun şəbəkələşməsi” mövzusunda vebinar keçirilib.
AZƏRTAC xəbər verir ki, vebinarı müsabiqənin İdarəçi Rəhbərlər heyətinin üzvü, Diasporla İş üzrə Dövlət Komitəsinin sədri Fuad Muradov təqdim edib.
Tədbir Diasporla İş üzrə Dövlət Komitəsinin fəaliyyətini əks etdirən videoçarxın nümayişi ilə başlayıb.
Komitənin sədri Fuad Muradov iştirakçılara xaricdə görülən işlərdən danışaraq bildirib ki, bu gün diasporun qarşısında duran başlıca vəzifə Qarabağ həqiqətlərini lazımi yerlərə çatdırmaq, bu istiqamətdə diaspor təşkilatlarının işinin peşəkar təşkilinə çalışmaqdır. Fuad Muradov, həmçinin vurğulayıb ki, bugünkü gözlənilməz və çətin pandemiya şəraitində hər bir həmvətənimizə dəstək olmaq üçün çevik addımlar atılır, diaspor xaricdəki azərbaycanlılarla mütəmadi əlaqə saxlayır, soydaşlarımızın müraciətlərini operativ cavablandırır. Bununla yanaşı, xaricdəki azərbaycanlıları bir araya toplayan, onların bir-birinə yaxından dəstək göstərə bilmələri üçün son illər müxtəlif ölkələrdə yaradılan və soydaşlarımızın təşkilatlanmasına ciddi təkan verən Azərbaycan evləri, Koordinasiya şuraları şəbəkəsinin genişləndirilməsinə dair də xüsusi fəaliyyət planının mövcud olduğunu diqqətə çatdıran Komitə sədri deyib: “Bu işdə soydaşlarımıza yardım etməyə hər zaman hazırıq. Əsas istiqamətimiz, hədəflərimiz dövlətimizin dünyanın dörd bir yanında yaşayan azərbaycanlıların yanında olmasını təmin etmək, bizə qarşı düşmənçilik siyasəti aparan erməni lobbisinin qarşısında diasporumuzun gücünü daha da möhkəmləndirməkdir. Təbii ki, bunun üçün həmvətənlərimiz də sıx birləşməli, dövlətimizin tarixini, mədəniyyətini təbliğ etməkdə maraqlı olmalıdırlar. Biz həmvətənlərimizin birliyinə, gücünə xüsusən Tovuz döyüşləri ilə bağlı müxtəlif ölkələrdə keçirilən dəstək yürüşlərində bir daha şahid olduq”.
Vebinar iştirakçılarla qarşılıqlı müzakirə formatında aparılıb, dinləyicilərin sualları cavablandırılıb. Həmçinin iştirakçılar diasporun fəaliyyətini yaxından izlədiklərini, son vaxtlar görülən işlərlə bağlı müsbət rəylərini bölüşüblər.
Qeyd edək ki, müsabiqənin İşçi Qrupu davamlı olaraq idarəçi rəhbərlərin təqdimatında vebinarların təşkilini nəzərdə tutur.
“Yüksəliş” müsabiqəsi Prezident İlham Əliyevin 2019-cu il iyulun 26-da imzaladığı Sərəncamla intellektual səviyyəsi və idarəçilik keyfiyyətləri yüksək olan perspektivli rəhbər şəxslərin müəyyənləşdirilməsini, dəstəklənməsini və ölkədə kadr ehtiyatı bankının yaradılmasını təmin etmək məqsədilə təsis olunub.

Paylaş:

Baxılıb: 572 dəfə