Abşeron rayonunda təbliğat-təşviqat kampaniyası davam edir

Bakı:

24 °C

74 %

10 m/s

Əlaqə

AZ RU EN

Ana səhifə / YAP xəbərləri / Abşeron rayonunda təbliğat-təşviqat kampaniyası davam edir

Abşeron rayonunda təbliğat-təşviqat kampaniyası davam edir

25.09.2013 [10:20]

Görədil və Fatmayı kəndlərinin sakinləri də cənab İlham Əliyevi dəstəkləyir
Dünən qarşıdan gələn prezident seçkiləri ilə əlaqədar təbliğat-təşviqat kampaniyası çərçivəsində Abşeron rayonunun Görədil və Fatmayı kəndinlərinin sakinləri ilə görüş keçirilib. Görüşü giriş sözü ilə açan YAP Abşeron rayon təşkilatının sədri Bilman Vəliyev Azərbaycanın inkişaf strategiyası barədə danışıb: “Azərbaycanın şəhərlərinə, rayonlarına, qəsəbələrinə, kəndlərinə baxın! Bu ərazilərdə bu gün sürətli inkişaf müşahidə edilməkdədir. Azərbaycanın bütün bölgələrində aparılan abadlıq, quruculuq işləri - tikilən körpülər, salınan yollar, açılan yeni iş yerləri məhz Prezident İlham Əliyevin gərgin fəaliyyətinin məhsuludur. Azərbaycanı işıqlı gələcəyə doğru aparan Prezident İlham Əliyev Azərbaycan xalqının alternativsiz lideridir. Bu gün Azərbaycanın elə bir nöqtəsi yoxdur ki, orada müasir tipli təhsil ocağı, müasir səhiyyə və olimpiya mərkəzləri, qaz, su, elektrik enerjisi və s. olmasın. Prezident İlham Əliyevin imzaladığı sərəncamlar və fərmanlar əsasında Azərbaycan sürətlə inkişaf edir”.
Daha sonra çıxış edən millət vəkili İmamverdi İsmayılov deyib ki, ölkəmiz növbəti siyasi proses - prezident seçkiləri ərəfəsindədir: “Bu gün vacib, məsuliyyətli və şərəfli bir gündür. Azərbaycanı dünya ölkələri sırasında birincilər zirvəsinə qaldıran, qəsəbələrimizi, kəndlərimizi, rayonlarımızı, şəhərlərimizi abadlaşdıran Prezident İlham Əliyevin xalq tərəfindən dəstəyi çox yüksəkdir. Azərbaycanın bütün kəndlərinin, qəsəbələrinin, eləcə də, Görədil və Fatmayı kəndlərinin sakinləri də Prezident İlham Əliyevi dəstəkləyirlər”.
Kənd sakini Məhəmmədli Alışanov çıxış edərək söyləyib ki, son illərdə rayon ərazisində köklü dəyişikliklər olub: “Bütün bunların əsas səbəbkarı məhz Prezident İlham Əliyevdir. Biz inkişafı görürük. Həyata keçirilən layihələr, əldə olunan uğurlu nəticələr bu inkişafın əsas göstəricisidir. Baxın, kənddə uşaq bağçası tikilib, məktəb yenidən bərpa olunaraq istifadəyə verilib. Bütün bunlar Prezident İlham Əliyevin rəhbərliyi nəticəsində olub. Mən kənd sakini kimi söz verirəm ki, biz hamımız Prezident İlham Əliyevə səs verəcəyik”.
Həmçinin, görüşdə çıxış edən kənd sakini Zöhrə Mikayılova deyib ki, son illərdə Görədil və Fatmayı kəndində inkişaf müşahidə olunmaqdadır: “Yadınızdadırsa, əvvəllər yollarımız bərbad vəziyyətdə idi. Şəhərə gedə bilmirdik. Amma indi yollarımız düzəldilib, yaxşı avtobuslarla təmin olunmuşuq. Bunların hamısını təmin edən şəxs məhz Prezident İlham Əliyevdir”.

Paylaş:

Baxılıb: 1229 dəfə