“Biz birlikdə güclüyük!” çağırışı xalqın qalib ruhunun güzgüsüdür

Bakı:

27 °C

61 %

11 m/s

Əlaqə

AZ RU EN

Ana səhifə / YAP xəbərləri / “Biz birlikdə güclüyük!” çağırışı xalqın qalib ruhunun güzgüsüdür

“Biz birlikdə güclüyük!” çağırışı xalqın qalib ruhunun güzgüsüdür

23.12.2025 [13:59]

Bugünkü müasir müstəqil, qalib, yeni Azərbaycan Ümummilli Lider Heydər Əliyevin görmək istədiyi Azərbaycandır. Ölkəmizi bu zirvəyə ucaldan Ulu Öndərin siyasi kursunu uğurla davam etdirən Prezident, Müzəffər Ali Baş Komandan İlham Əliyevdir. Dövlətimizin başçısının yürütdüyü siyasət müasir Azərbaycanın güclənməsinə, milli-mənəvi dəyərlərimizin ən yüksək səviyyədə qorunmasına xidmət edir. Dünyada tolerantlıq məkanı kimi tanınan Azərbaycan Prezident İlham Əliyevin xidmətləri sayəsində mədəniyyətlərarası və sivilizasiyalararası dialoq məkanına çevrildi.

Prezident İlham Əliyevin ölkəyə rəhbərlik etdiyi dövrdə bütün sahələr davamlı inkişaf edib. İqtisadiyyatın inkişafı və insanların sosial rifah halının yüksəldilməsi məqsədilə Prezident İlham Əliyevin təşəbbüskarı olduğu qanun layihələri, həmçinin imzaladığı fərman və sərəncamlar əsasında həyata keçirilən sosial-iqtisadi layihələr vətəndaşlarımızın yaşayış səviyyəsinə öz müsbət təsirini göstərir. Prezident İlham Əliyevin rəhbərliyi ilə görülmüş genişmiqyaslı işlər, sistemli və ardıcıl tədbirlər, dərin islahatlar nəticəsində hazırda Azərbaycan siyasi və makroiqtisadi baxımdan sabit, təhlükəsiz ölkə, regionun siyasi, iqtisadi və mədəni mərkəzi, irimiqyaslı enerji, nəqliyyat və infrastruktur layihələrinin təşəbbüskarı və fəal iştirakçısı, Avropanın enerji təhlükəsizliyinin təmin edilməsində etibarlı tərəfdaş, dünya kosmos ailəsinin üzvü, mühüm tranzit qovşağıdır. Beş fundamental nəticə - qalib dövlət, beynəlxalq nüfuz, təhsilli cəmiyyət, böyük iqtisadi potensial və yüksələn rifah ölkənin sosial-iqtisadi inkişaf nailiyyətlərini xarakterizə edir. Bu nailiyyətlər uzunmüddətli dövrdə ölkə iqtisadiyyatı üçün keyfiyyətcə yeni sosial-iqtisadi inkişaf simasının formalaşmasına böyük töhfə verəcək.

Tarixi Zəfərimizin, suverenliyimizin tam bərpasının reallıqları fonunda Azərbaycanın dayanıqlı inkişafına xidmət edəcək mühüm sənədlər imzalandı, Dövlət Proqramları təsdiqləndi. Bunların sırasında Azərbaycan 2030: sosial-iqtisadi inkişafa dair Milli Prioritetlər”i, “Azərbaycan Respublikasının 2022-2026-cı illərdə sosial-iqtisadi inkişaf Strategiyası”nı, “Azərbaycan Respublikasında rəqəmsal iqtisadiyyatın inkişafına dair 2026–2029-cu illər üçün Strategiya”nı xüsusi qeyd edə bilərik. Növbəti strateji dövrdə “Qüdrətli dövlət və yüksək rifah cəmiyyəti”nə çevrilmək üçün mövcud sosial-iqtisadi modelin məzmunu və strukturu əhəmiyyətli dərəcədə yenilənəcəkdir. Bu əsasda qəbul edilmiş “Azərbaycan 2030: sosial-iqtisadi inkişafa dair Milli Prioritetlər” müasir inkişaf ideologiyasına əsaslanan yeni sosial-iqtisadi artım modelinin bazasında həyata keçiriləcəkdir. Bu model ölkənin bütün resurslarını və nailiyyətlərini səfərbər etməklə, onları uzunmüddətli dövrdə qarşıya qoyulan strateji vəzifələrin reallaşmasına yönəldəcəkdir. Yeni sosial-iqtisadi inkişaf modeli 2030-cu ilədək olan dövrdə ölkədə bütün sahələrdə həyata keçirilməsi nəzərdə tutulan köklü islahatların ideologiyasını təmin edir.

Cənab İlham Əliyevin çağırışlarında bu məqam da xüsusi qeyd edilir ki, gənclərin potensialından səmərəli istifadə edilsin. Bu mühüm amil müasir, müstəqil Azərbaycanın intensiv inkişafını təmin edən fundamental faktorlardan biridir. Prezident İlham Əliyevin gənclərin potensialının gerçəkləşməsinə, onların vətənpərvər, savadlı kadr kimi yetişməsinə, gənc ailələrin sosial təminatına yönələn tədbirləri dövlətin uzaqgörən siyasətinin göstəricisi kimi qiymətləndirilməlidir. Məhz dövlətin gənclərə dəstək və diqqət göstərməsinin nəticəsində Azərbaycan gəncliyində özünə, öz gücünə, istedadına inam hissi artdı. Bu gün dünyaya səs salan tarixi Zəfərimiz, ərazi bütövlüyümüzün və suverenliyimizin tam bərpa edilməsi Azərbaycan gəncinin vətənpərvərliyini, milli ruhda böyüməsini, torpaq, Vətən sevgisini nümayiş etdirdi.

Dövlət başçısı İlham Əliyevin “Biz birlikdə güclüyük!” şüarı xalqın qalib ruhunun güzgüsüdür. İqtisadi böhranlara, beynəlxalq təzyiqlərə və pandemiyanın yaratdığı çətinliklərə rəğmən ölkə Prezidentinin nümayiş etdirdiyi yüksək peşəkarlıq və xalqa arxalanma siyasəti Azərbaycanda yaşanan ümumxalq birliyinin təsdiqidir. Suverenliyimizin tam bərpası ilə Azərbaycan yeni dövrə qədəm qoydu. Müstəqillik tariximizdə ilk dəfə olaraq bütün ölkə ərazisində prezident, parlament və bələdiyyə seçkiləri keçirildi. Qalib xalqın qalib Lideri andiçmə mərasimində yeni dövrün hədəflərini açıqladı. Bu gün işğaldan azad edilmiş ərazilərimizdə Azərbaycan Bayrağının dalğalanmasını böyük qürur hissi ilə qeyd edən dövlət başçısı İlham Əliyev andiçmə mərasimində bu əminliyi də xüsusi qeyd etdi ki, yeni dövr uğurla başlayır, uğurla da davam edəcək.

Azərbaycana hansı sahədən baxsaq böyük uğurların şahidi olarıq. Hər bir ölkənin inkişafında iqtisadi amil əsasdır. Azərbaycanın iqtisadi inkişafı hazırda işğaldan azad edilmiş ərazilərimizdə geniş miqyas alan bərpa-quruculuq işlərində özünün aydın ifadəsini tapır. Belə ki, Azərbaycan yalnız özünün maliyyə resurslarına arxalanaraq sıfırdan yeni şəhər və kəndlər salır. Üç hava limanının istifadəyə verilməsi regionun logistik simasını tamamilə dəyişdirir. Qısa zamanda üç Beynəlxalq Hava Limanının istifadəyə verilməsi Azərbaycanın iqtisadi və maliyyə imkanlarının təqdimatıdır. Yaxın gələcəkdə bu torpaqların malik olduğu iqtisadi potensialdan səmərəli istifadə ölkəmizin dayanıqlı iqtisadi inkişafında əhəmiyyətli rol oynayacaq.

Azərbaycanın tarixi ədalətə, beynəlxalq hüquqa söykənən siyasəti Zəfərlərinin davamlılığını şərtləndirir. Azərbaycan xalqının tarixi Qələbəsinin regionda formalaşmaqda olan yeni reallığın əsas səbəblərindən biri olduğunu dəfələrlə açıq şəkildə səsləndirən Prezident İlham Əliyev “Qərbi Azərbaycan” mövzusunu dövlət siyasəti ilə yanaşı, həm də regionumuzda formalaşan yeni reallığın ayrılmaz parçasına çevirmişdir. Təkcə 2025-ci il ərzində Qərbi Azərbaycan məsələsi Prezident İlham Əliyev tərəfindən beynəlxalq və yerli platformalardakı çıxış, müsahibə və görüşlərdə 9 dəfə, ümumiyyətlə isə 67 dəfə ən ali səviyyədə səsləndirmişdir.

Prezident İlham Əliyevin uğurlu xarici siyasətinin vacib tərkib hissəsi olan Qərbi Azərbaycan məsələsinin beynəlxalq müstəviyə çıxarılması Ermənistanın Qarabağla bağlı absurd iddialarının dəf edilməsində vacib rol oynamış, Qərbi Azərbaycan məsələsində ədalətin bərqərar olunmasına təkan vermiş, Ermənistanla münasibətlərin normallaşması prosesində insan hüquqları müstəvisində Azərbaycanın mövqeyini daha da gücləndirmişdir. Azərbaycan hər zaman dünyaya sülh, təhlükəsizlik, əməkdaşlıq çağırışlarını edir.

Anar Nəbiyev

YAP Qazax rayon təşkilatının sədri

Paylaş:

Baxılıb: 586 dəfə