Gəncədə “Tariximizin həqiqətləri” adlı elmi-intellektual yarış keçirilib

Bakı:

12 °C

94 %

2 m/s

Əlaqə

AZ RU EN

Ana səhifə / YAP xəbərləri / Gəncədə “Tariximizin həqiqətləri” adlı elmi-intellektual yarış keçirilib

Gəncədə “Tariximizin həqiqətləri” adlı elmi-intellektual yarış keçirilib

27.02.2026 [16:37]

“Memarlıq və Şəhərsalma İli” çərçivəsində “Memarlıq və Şəhərsalma İli” çərçivəsində YAP Gəncə şəhər təşkilatının təşkilatçılığı ilə bəşəriyyətin ən dəhşətli soyqırımlarından olan Xocalı soyqırımının 34-cü ildönümünə həsr edilmiş “Tariximizin həqiqətləri” adlı elmi-intellektual yarış keçirilib.

Tədbirdə YAP İdarə Heyətinin üzvü, millət vəkili Pərvin Kərimzadə, YAP İdarə Heyətinin üzvü, YAP Gəncə şəhər təşkilatının sədri Bayram Aslanov, şəhərin ali və orta ixtisas təhsil müəssisələrinin kollektivləri, ərazi ilk partiya təşkilatları sədrləri və partiya fəalları iştirak ediblər.

Azərbaycan Respublikası Dövlət himni səsləndirilib. Müasir müstəqil Azərbaycan dövlətinin banisi Ulu Öndər Heydər Əliyevin və Azərbaycanın ərazi bütövlüyü uğrunda canından keçən şəhidlərimizin əziz xatirəsi bir dəqiqəlik sükutla yad edilib.

YAP Gəncə şəhər təşkilatının sədri Bayram Aslanov tədbiri açaraq, bildirib ki, başı müsibətlər çəkmiş xocalılılar qaysaq bağlamayan yaraları ilə köçkünlük illərində tezliklə torpaqlarımızın düşmən tapdağından azad edəcəyi, qisasımızın alacağı ümidi ilə yaşadılar. Müzəffər Ali Baş Komandan İlham Əliyevin qətiyyəti, şanlı ordumuzun hünəri sayəsində torpaqlarımız düşmən tapdağından azad edildi, xoçalıların, xalqımızın arzuları həyata keçdi. 44 günlük Vətən müharibəsində Xocalı cəlladları məhv edildi, Xocalının qisası alındı. Bu qüruru, xoşbəxtliyi bizə 44 günlük Vətən müharibəsində Müzəffər, Ali Baş Komandanın rəhbərlik etdiyi rəşadətli Azərbaycan Ordusunun, xalqımızın qəhrəman oğullarının dünya hərb tarixinə düşən, dillərə dastan olan şücaəti yaşatdı.

YAP İdarə Heyətinin üzvü, millət vəkili Pərvin Kərimzadə qeyd edib ki, 34 il əvvəl bəşəriyyətin ən dəhşətli soyqırımlarına məruz qalan Xocalı bu gün tədricən yenidən qurulur. Doğma yurdlarına dönən Xoçalı sakinləri üçün müasir infrastruktur yaradılır, yaşayış evləri, sosial obyektlər, istehsal müəssisələri istifadəyə verilir. Bu gün dəhşətli, qanlı günlər yaşayan Xocalı artıq təkcə tarixi faciənin deyil, həm də dirçəlişin və qayıdışın simvoluna çevrilib.

Ərazi partiya təşkilatlarının sədrləri Cavid Bağırzadə, Azad Bayramov çıxış edərək, bildiriblər ki, bu gün Xocalı azaddır, 2023-cü ildə birgünlük antiterror tədbirləri ilə Xocalı azad edildi. Lakin düşmənin 34 il əvvəl Xocalıda törətdiyi faciə yüz illər bundan sonra da yaddaşımızdan silinməyəcək.

Eyni zamanda, çıxış edən natiqlər ölkəmizin tarixi keçmişinin öyrənilməsi və təbliğinin əhəmiyyətini vurğulayaraq, bu istiqamətdə keçirilən intellektual yarışların gənclərin dünyagörüşünün formalaşmasında, yaradıcı və innovativ düşüncə tərzinin inkişafında, eləcə də sosial fəallıqlarının artırılmasındakı rolundan danışıblar. Qeyd edilib ki, bu cür tədbirlər gənclərin bilik səviyyəsini yüksəldir, onlarda komanda işi və məntiqli düşünmə bacarıqlarını gücləndirir.

Gəncə-Daşkəsən Regional Təhsil İdarəsi, Azərbaycan Dövlət Aqrar Universiteti, Gəncə Dövlət Universiteti, Azərbaycan Texnologiya Universiteti, Gəncə Dövlət Universitetinin nəzdində Regional Kollec, Tibb Kolleci, 1 və 2 saylı Gəncə Regional “ASAN xidmət” mərkəzlinin gənclərindən ibarət 8 komanda mübarizəyə qoşulub. Azərbaycan tarixinə dair sualları daha tez, dəqiq cavab verən komanda qalib adına layiq görülüb.

Yarışda Gəncə Dövlət Universitinin tələbələrindən ibarət komanda I yerə, Gəncə-Daşkəsən Regional Təhsil İdarəsinin komandası II yerə, 1 saylı Gəncə Regional “ASAN xidmət” mərkəzinin gəncləri Ill yerə layiq görülüb.

Qalib komandaların üzvləri bu cür yarışların onların yeni biliklər əldə etməsinə geniş imkanlar açdığnı bildiriblər.

Sonda iştirakçılara Sertifikat, qalib komandaya Kubok, üzvlərə isə Diplomlar təqdim edilib və xatirə fotosu çəkilib.

Paylaş:

Baxılıb: 275 dəfə