YAP Ağcabədi rayon təşkilatı parlament seçkilərinə mütəşəkkil şəkildə hazırlaşır

Bakı:

30 °C

39 %

3 m/s

Əlaqə

AZ RU EN

Ana səhifə / YAP xəbərləri / YAP Ağcabədi rayon təşkilatı parlament seçkilərinə mütəşəkkil şəkildə hazırlaşır

YAP Ağcabədi rayon təşkilatı parlament seçkilərinə mütəşəkkil şəkildə hazırlaşır

25.08.2015 [10:13]

Rayon təşkilatının 17 nəfərdən ibarət Seçki Qərargahı yaradılıb
“Yeni Azərbaycan Partiyasının (YAP) bütün şəhər və rayon təşkilatlarında olduğu kimi, partiyanın Ağcabədi rayon təşkilatı da parlament seçkilərinə mütəşəkkil şəkildə hazırlaşır. Seçkilərə hazırlıqla bağlı bütün işləri YAP Ağcabədi rayon təşkilatının 17 nəfərdən ibarət Seçki Qərargahı koordinasiya edir”. Bunu “Yeni Azərbaycan” qəzetinə açıqlamasında YAP Ağcabədi rayon təşkilatının, həmçinin, rayon təşkilatının Seçki Qərargahının sədri Rövşən Əhmədov deyib.
Onu da qeyd edək ki, bu günlərdə YAP Ağcabədi rayon təşkilatının Seçki Qərargahının toplantısı keçirilib. Toplantıda çıxış edən Rövşən Əhmədov deyib ki, rayon təşkilatının Seçki Qərargahı öz işini partiyanın İcra Katibliyi tərəfindən tərtib olunmuş plana və partiya rəhbərliyinin tövsiyələrinə uyğun olaraq uğurla davam etdirir: “Parlament seçkilərinə hazırlıqla bağlı hazırlanmış plana müvafiq olaraq bir sıra addımlar atılıb. Belə ki, ilk olaraq Seçki Qərargahının nəzdində fəaliyyət göstərəcək 35 nəfərdən ibarət təşviqat qrupu yaradılıb. Eyni zamanda, hər birində 10 nəfər olmaqla hər 2 Seçki Dairəsi üzrə 20 nəfər imza toplayan YAP fəalı, seçki dairələrində və seçki məntəqəsində müşahidə aparmaq üçün hər birində 5 nəfər olmaqla 375 nəfər müşahidəçi, 75 nəfər məşvərətçi səs hüquqlu üzv müəyyən edilib. Bundan başqa, rayon ərazisində yaşayan bütün seçicilərin siyahısı ilkin variantda dəqiqləşdirilib və bu proses mütəmadi olaraq davam etdirilir”.
“Uğurlu fəaliyyət YAP-ın bu seçkilərdə də qələbəsini təmin edəcək”, - deyən rayon təşkilatının sədri onu da əlavə edib ki, hazırda YAP Ağcabədi rayon təşkilatı 98 ilk təşkilat ətrafında 12025 nəfər YAP üzvünü birləşdirir. Onlardan 5534 nəfərini qadınlar, 4734 nəfərini isə gənclər təşkil edir. Onun sözlərinə görə, Ağcabədi rayonu ərazisində 2 Seçki Dairəsi - 82 saylı Ağcabədi və 83 saylı Ağcabədi-Füzuli Seçki Dairəsi fəaliyyət göstərir: “82 saylı Ağcabədi Seçki Dairəsi üzrə 46 seçki məntəqəsində 44637 nəfər, 83 saylı Ağcabədi-Füzuli Seçki Dairəsi üzrə Ağcabədi rayon ərazisində 27 məntəqə isə 20602 nəfər seçici olmaqla, cəmi 73 məntəqədə 65239 nəfər seçici var”.
Toplantıda çıxış edən Seçki Qərargahının üzvü Malik Mirzəyev hazırlıq prosesi ərəfəsində vacib olan bir sıra addımların atıldığını və bu istiqamətdə işlərin davam etdiyini bildirib. O, həmçinin, “YAP üzvləri bütün seçkilərdə olduğu kimi, bu seçkilərdə də xüsusi fəallıq göstərəcəklər”, - deyib.
Seçki Qərargahının digər bir üzvü, YAP Ağcabədi rayon təşkilatı Gənclər Birliyinin sədri Elnur Quliyev isə partiyanın hər zaman gənclərə xüsusi diqqət və qayğı göstərdiyini bildirib. Onun sözlərinə görə, gənclər bu dəfə də onlara göstərilən etimadı doğrultmaq üçün var gücləri ilə çalışacaqlar.
NADİR

Paylaş:

Baxılıb: 1064 dəfə