Uğurlu fəaliyyət YAP-ın bu seçkilərdə də qələbəsini təmin edəcək

Bakı:

16 °C

100 %

3 m/s

Əlaqə

AZ RU EN

Ana səhifə / YAP xəbərləri / Uğurlu fəaliyyət YAP-ın bu seçkilərdə də qələbəsini təmin edəcək

Uğurlu fəaliyyət YAP-ın bu seçkilərdə də qələbəsini təmin edəcək

29.08.2015 [11:03]

Aqil Nəzərli: YAP Laçın rayon təşkilatının Seçki Qərargahı parlament seçkilərinə hazırlığı uğurla davam etdirir
“Noyabrın 1-də Azərbaycanda növbəti parlament seçkiləri keçiriləcək. Ölkəmiz müstəqillik əldə etdikdən sonra keçirilən bütün seçkilərin qalibi olan Yeni Azərbaycan Partiyası (YAP) bu seçkilərə də mütəşəkkil şəkildə hazırlaşır. Bu məqsədlə partiyanın bütün şəhər və rayon təşkilatlarında seçki qərargahları yaradılıb. Və YAP Laçın rayon təşkilatının Seçki Qərargahı da parlament seçkilərinə hazırlığı uğurla davam etdirir”.
Bunu qəzetimizə açıqlamasında YAP Laçın rayon təşkilatının və rayon təşkilatının Seçki Qərargahının sədri Aqil Nəzərli deyib. Onun sözlərinə görə, seçkilərə hazırlıqla bağlı bütün işləri YAP Laçın rayon təşkilatının 13 nəfərdən ibarət Seçki Qərargahı koordinasiya edir.
Onu da qeyd edək ki, bu günlərdə YAP Laçın rayon təşkilatının Seçki Qərargahının növbəti toplantısı keçirilib. Toplantıda çıxış edən YAP Laçın rayon təşkilatının sədri Aqil Nəzərli deyib ki, rayon təşkilatının Seçki Qərargahı öz işini partiyanın İcra Katibliyi tərəfindən tərtib olunmuş plana və partiya rəhbərliyinin tövsiyələrinə uyğun olaraq uğurla davam etdirir: “Parlament seçkilərinə hazırlıqla bağlı hazırlanmış plana müvafiq olaraq bir sıra addımlar atılıb. Eyni zamanda, 121 saylı Laçın Seçki Dairəsi üzrə partiyamızın irəli sürəcəyi namizədin xeyrinə imza toplamaq üçün 10 nəfər imza toplayan YAP fəalı müəyyən edilib. Bundan başqa, seçki dairələrində və seçki məntəqələrində müşahidə aparmaq üçün hər birində 5 nəfər olmaqla 510 nəfər müşahidəçi, həmçinin, 102 nəfər məşvərətçi səs hüquqlu üzv müəyyən edilib. Seçki Qərargahı tərəfindən bütün seçicilərin siyahısı ilkin variantda dəqiqləşdirilib və bu proses mütəmadi olaraq davam etdirilir. Qeyd edim ki, Laçın seçiciləri seçkilərdə 121 saylı Laçın Seçki Dairəsinin 102 məntəqəsində səs verəcəklər”.
YAP Laçın rayon təşkilatının Seçki Qərargahının sədri onu da əlavə edib ki, hazırda YAP Laçın rayon təşkilatı 34 ilk təşkilat ətrafında 3501 nəfər partiya üzvünü birləşdirir. Onlardan 1415 nəfərini qadınlar, 813 nəfərini isə gənclər təşkil edir.
Toplantıda çıxış edən Seçki Qərargahının üzvü Xaliq Musayev hazırlıq prosesi ərəfəsində vacib olan bir sıra addımların atıldığını və bu istiqamətdə işlərin davam etdiyini bildirib. O, həmçinin, “Qarşıdan gələn seçkilərdə hər birimizin üzərinə böyük və məsuliyyətli vəzifə düşür. Əminəm ki, uğurlu fəaliyyət YAP-ın bu seçkilərdə də qələbəsini təmin edəcək”, - deyib.
YAP Laçın rayon təşkilatı Gənclər Birliyinin sədri Vüsal Həsənov isə partiyanın hər zaman gənclərə xüsusi diqqət və qayğı göstərdiyini bildirib. Onun sözlərinə görə, gənclər bu seçkilərdə də xüsusi fəallıq nümayiş etdirəcəklər.
Toplantıda, həmçinin, Seçki Qərargahının digər üzvləri - Murad Hüseynov, Tahir Bayramov və başqaları da çıxış edərək, fikir və təkliflərini səsləndiriblər.
NADİR

Paylaş:

Baxılıb: 881 dəfə