Qaradağ seçiciləri xalqımızın alternativsiz lideri cənab İlham Əliyevə səs verəcəklər

Bakı:

25 °C

57 %

8 m/s

Əlaqə

AZ RU EN

Ana səhifə / YAP xəbərləri / Qaradağ seçiciləri xalqımızın alternativsiz lideri cənab İlham Əliyevə səs verəcəklər

Qaradağ seçiciləri xalqımızın alternativsiz lideri cənab İlham Əliyevə səs verəcəklər

05.04.2018 [10:24]

Rayonda təbliğat-təşviqat kampaniyası çərçivəsində sahibkarlarla və yerli iş adamları ilə görüş keçirilib
Aprelin 11-də keçiriləcək prezident seçkilərində Yeni Azərbaycan Partiyasının (YAP) namizədi cənab İlham Əliyevin təbliğat-təşviqat kampaniyası Qaradağ rayonunda uğurla davam edir. Kampaniya çərçivəsində dünən sahibkarlar və yerli iş adamları ilə keçirilən görüşdə çıxış edən YAP Qaradağ rayon təşkilatının sədri, partiyanın Siyasi Şurasının üzvü, Milli Məclisin deputatı Aydın Hüseynov prezident seçkilərinin ölkəmizin inkişaf tarixində vacib rolu və əhəmiyyəti barədə məlumat verib. Aydın Hüseynov daha sonra YAP-ın namizədi cənab İlham Əliyevin xalqımız və dövlətimiz qarşısında əzəmətli xidmətləri haqqında da danışıb. Millət vəkili deyib ki, müstəqil Azərbaycan dövlətinin memarı və qurucusu Ulu öndər Heydər Əliyevin əsasını qoyduğu siyasi kursu böyük müvəffəqiyyətlə həyata keçirən Prezident İlham Əliyevin ölkəmizə rəhbərlik etdiyi 15 il parlaq nailiyyətlər və möhtəşəm inkişaf göstəriciləri ilə xarakterizə olunur. Ölkəmizdə sahibkarlığın inkişafına da güclü dövlət dəstəyinin göstərildiyini deyən A.Hüseynov yerli iş adamlarını aprelin 11-də seçki məntəqələrinə gedərək Azərbaycana böyük qələbələr və uğurlar qazandırmış, xalqımızın alternativsiz lideri cənab İlham Əliyevə səs verməyə çağırıb.
Milli Məclisin Səhiyyə komitəsinin sədr müavini Musa Quliyev görüşdə çıxış edərək 2003-cü ildən bəri keçilən böyük inkişaf yolunun əsas parametrləri, Azərbaycanda həyata keçirilən sosial siyasətin mühüm nailiyyətləri haqqında ətraflı məlumat verib. Ölkəmizdə həyata keçirilən siyasətin mərkəzində Azərbaycan vətəndaşlarının mənafeyinin dayandığını vurğulayan millət vəkili bildirib ki, iqtisadi sferada qazanılmış nailiyyətlər vətəndaşların sosial müdafiəsinin gücləndirilməsini, əhalinin güzəranının daha da yaxşılaşdırılmasını şərtləndirib. O, sonda deyib ki, həyata keçirilən islahatların ardıcıllığını, uğurların davamlılığını təmin etmək üçün hamılıqla 11 apreldə seçki məntəqələrinə gedərək cənab İlham Əliyevə səs verməliyik.
Görüşdə çıxış edən YAP İdarə Heyətinin üzvü, Milli Məclisin deputatı, Azərbaycan Rus İcmasının sədri Mixail Zabelin də ötən 15 ildə əldə edilən uğurlardan danışıb. Millət vəkili ölkəmizdəki Rus İcmasının Prezident İlham Əliyevin siyasətini dəstəklədiyini qeyd edərək qarşıdan gələn seçkilərdə də icma üzvlərinin cənab İlham Əliyevə səs verəcəklərini vurğulayıb. M.Zabelin bütün seçiciləri aprelin 11-də seçki məntəqələrinə gedərək Azərbaycana böyük qələbələr və uğurlar qazandırmış, xalqımızın alternativsiz lideri cənab İlham Əliyevə səs verməyə çağıraraq bildirib ki, YAP-ın namizədinə səs vermək möhtəşəm nailiyyətlərin davamlı olmasına, iqtisadiyyatımızın daha da inkişaf etməsinə səs vermək deməkdir.
Görüşdə Bakı Mühəndislik Universitetinin rektoru, professor Havar Məmmədov çıxış edərək deyib ki, Azərbaycan əsası Ulu öndər Heydər Əliyev tərəfindən qoyulan və cənab İlham Əliyevin rəhbərliyi ilə uğurla reallaşdırılan daxili və xarici siyasət sayəsində böyük inkişaf, tərəqqi əldə edib.
Görüşdə həmçinin YAP Qaradağ rayon təşkilatının seçki qərargahının üzvü Xaliq Məmmədov da ölkəmizin son 15 ildə Prezident İlham Əliyevin rəhbərliyi ilə bütün sahələrdə qazandığı uğurlar barədə geniş məlumat verib. O deyib ki, sahibkarlar dövlətin və şəxsən Prezident İlham Əliyevin diqqət və qayğısını yüksək qiymətləndirir və qarşıdan gələn seçkilərdə də cənab İlham Əliyevi dəstəkləyirlər.
Çıxış edən yerli iş adamları əminliklə aprelin 11-də fəal və mütəşəkkil şəkildə seçki məntəqələrinə gedərək Azərbaycanın müstəqilliyinin və inkişafının təminatçısı olan Heydər Əliyev siyasətinə, bu siyasətin layiqli davamçısı cənab İlham Əliyevə səs verəcəklərini ifadə ediblər.

Paylaş:

Baxılıb: 812 dəfə