YAP Kürdəmir rayon təşkilatı Gənclər Birliyinin VI hesabat-seçki konfransı keçirilib

Bakı:

25 °C

39 %

3 m/s

Əlaqə

AZ RU EN

Ana səhifə / YAP xəbərləri / YAP Kürdəmir rayon təşkilatı Gənclər Birliyinin VI hesabat-seçki konfransı keçirilib

YAP Kürdəmir rayon təşkilatı Gənclər Birliyinin VI hesabat-seçki konfransı keçirilib

03.05.2019 [09:57]

Yeni Azərbaycan Partiyası (YAP) Kürdəmir rayon təşkilatı Gənclər Birliyinin VI hesabat-seçki konfransı keçirilib.
Tədbir iştirakçıları əvvəlcə Ulu Öndər Heydər Əliyevin abidəsi önünə gül dəstələri qoyaraq, xatirəsini ehtiramla yad ediblər.
Konfransı giriş sözü ilə açan YAP Kürdəmir rayon təşkilatının sədri Ağali Kərimli bildirib ki, əsası Ümummilli Liderimiz Heydər Əliyev tərəfindən qoyulmuş dövlət gənclər siyasəti möhtərəm Prezidentimiz, YAP-ın Sədri cənab İlham Əliyev tərəfndən uğurla davam etdirilir.
Sonra YAP Kürdəmir rayon təşkilatı Gənclər Birliyinin sədri Daşqın Rüstəmov hesabat məruzəsi ilə çıxış edib. Məruzəçi qeyd edib ki, hazırda təşkilatın Gənclər Birliyi 4310 nəfər gənci öz sıralarında birləşdirir, bu da YAP Kürdəmir rayon təşkilatı üzvlərinin 44,5 %-ni təşkil edir.
Məruzə ətrafında çıxış edən rayon təşkilatının şura üzvü, Heydər Əliyev Mərkəzinin əməkdaşı Xəyyam Məlikov, şəhər 1 saylı tam orta məktəbin müəllimi Günel Musayeva, “Azərxalça” ASC-nin Kürdəmir rayon filialının müdiri Rauf Abuşov, Karrar kənd tam orta məktəbinin direktoru Mais Bayramov YAP Kürdəmir rayon təşkilatı Gənclər Birliyinin hesabat dövründəki fəaliyyətini qənaətbəxş hesab ediblər.
Konfransda çıxış edən YAP Gənclər Birliyinin sədri Seymur Orucov, Milli Məclisin deputatı Elman Nəsirov, Kürdəmir rayon İcra Hakimiyyətinin başçısı Ceyhun Cəfərov respublikamızda gənclər üçün yaradılan böyük imkanlardan və yüksək şəraitdən danışaraq bu gün gəncliyin artıq siyasi cəhətdən formalaşmış, yetkinləşmiş səviyyədə olduğunu diqqətə çatdırıblar. Qeyd olunub ki, müasir Azərbaycan dövlətinin memarı Heydər Əliyev hakimiyyətdə olduğu bütün dövrlərdə gənclərə böyük diqqət və qayğı ilə yanaşıb. Ulu Öndər Heydər Əliyevin yaratdığı Yeni Azərbaycan Partiyasının keçdiyi şərəfli yoldan da danışan natiqlər bu gün ölkə rəhbəri cənab İlham Əliyevin gənclərə verdiyi önəmi vurğulayaraq, bütün ictimai-siyasi proseslərdə gənclərin aktiv şəkildə iştirakını qeyd ediblər.
Sonra, konfransda təşkilati məsələlərə baxılıb. YAP Kürdəmir rayon təşkilatının Gənclər Birliyinin 19 nəfərdən ibarət Şura üzvü və 9 nəfərdən ibarət İdarə Heyəti seçilib. Rauf Abuşov YAP Kürdəmir rayon təşkilatı Gənclər Birliyinin sədri, Mais Bayramov və Hacıoğlan Məlikov sədrin müavinləri seçiliblər. Eyni zamanda 2 nəfər YAP Gənclər Birliyinin V konfransına nümayəndə seçilib.

Paylaş:

Baxılıb: 813 dəfə