YAP bütün gücünü Azərbaycan dövlətinin inkişafı naminə səfərbər edib

Bakı:

24 °C

56 %

0 m/s

Əlaqə

AZ RU EN

Ana səhifə / YAP xəbərləri / YAP bütün gücünü Azərbaycan dövlətinin inkişafı naminə səfərbər edib

YAP bütün gücünü Azərbaycan dövlətinin inkişafı naminə səfərbər edib

17.12.2009 [10:03]

Yeni Azərbaycan Partiyası təbliğat-təşviqat kampaniyası çərçivəsində növbəti görüşünü dünən Sabirabad rayonunda keçirib
Yeni Azərbaycan Partiyası (YAP) dekabrın 23-də keçiriləcək bələdiyyə seçkiləri ilə əlaqədar təbliğat-təşviqat kampaniyasını davam etdirir. Kampaniya çərçivəsində növbəti görüş dünən Sabirabad rayonunda baş tutub. Tədbiri giriş sözü ilə açan YAP Sabirabad rayon təşkilatının sədri Nadir Quliyev rayonda bələdiyyə seçkilərinə hazırlıqla əlaqədar görülmüş işlərdən danışıb. Rayon təşkilatının hazırda rayonun bütün kəndlərini əhatə edən geniş təşviqat kampaniyası həyata keçirdiyini söyləyən təşkilat sədri bu məqsədlə seçicilərlə görüşlər keçirildiyini, sakinlərə bələdiyyələrin fəaliyyəti və gələcək perspektivləri barədə, partiyanın bələdiyyə seçkilərində qarşısına qoyduğu məqsəd və vəzifələri haqqında geniş məlumat verildiyini bildirib. O, bu tədbirdə, eləcə də, bütün digər görüşlərdə müşahidə olunan seçici fəallığını, rayon sakinlərinin böyük diqqət və marağını əsas gətirərək deyib ki, Sabirabad rayon sakinləri bələdiyyə seçkilərində Azərbaycan dövlətçiliyinin möhkəmlənməsi, xalqımızın rifahı naminə var gücü ilə çalışan YAP-ın namizədlərinə səs verəcəklər.
çıxış edən Milli Məclisin Beynəlxalq münasibətlər və parlamentlərarası əlaqələr komitəsinin sədr müavini Gültəkin Hacıbəyli deyib ki, əsası Ulu öndər Heydər Əliyev tərəfindən qoyulmuş və ölkəmizin yüksək inkişafına hesablanmış uğurlu sosial-iqtisadi siyasət bu gün Prezident İlham Əliyev tərəfindən yüksək səviyyədə həyata keçirilir. Son 6 ilin iqtisadi göstəricilərini təhlil etsək görərik ki, Azərbaycan dünyanın ən sürətlə inkişaf edən, dəyişən, müasirləşən ölkəsidir: “Dövlət başçısının müəyyən etdiyi islahatlar kursunun həm miqyas, həm də keyfiyyət baxımından davamlı olması iqtisadiyyatın hər bir strukturunda müşayiət edilməklə yanaşı, ən yeni idarəetmə texnologiyalarının tətbiqi ilə çox böyük nailiyyətlərin əldə olunmasını şərtləndirib. Bu mükəmməl idarəetmə kursu Azərbaycanın müstəqil iqtisadi modelinin formalaşması üçün də əsaslı təməllər yaratmış olub. Prezident İlham Əliyev ən yeni tarixin ortaya çıxardığı siyasi-sosial sifarişlərin yerinə yetirilməsi üçün kompleks tədbirlər proqramının müəllifi kimi siyasi-iqtisadi stabilliyin möhkəmlənməsinə baza yaratmaqla, iqtisadi tərəqqi erasının təməlini də qoymuş olub. Bu inkişaf prosesinin davam etməsi, yerlərdə bunun məntiqi nəticələrinin daha aydın şəkildə müşahidə olunması üçün qarşıdakı bələdiyyə seçkiləri də xüsusi əhəmiyyətə malikdir. Ona görə də, mən hesab edirəm ki, bütün seçkilərdə olduğu kimi, bələdiyyə seçkilərində də hər bir vətəndaş öz vətəndaşlıq borcunu yerinə yetirməli, səsvermədə öz iradəsini ifadə etməlidir”.
YAP İdarə Heyətinin üzvü, Milli Məclisin deputatı Nizami Xudiyev isə çıxışında bələdiyyələrin Azərbaycandakı demokratik dövlət quruculuğu prosesində yerindən və rolundan geniş bəhs edib. Bələdiyyə seçkilərinin digər seçkilərdən kəskin şəkildə fərqləndiyini deyən millət vəkilinin sözlərinə görə, bələdiyyə seçkiləri daha konkret ərazilərdə keçirilir.
Bələdiyyələrin fəaliyyətinin daha da güclənməsi üçün bir sıra vacib addımların atıldığını deyən N.Xudiyevin qənaətinə görə, həm qanunvericilik bazasının yüksək tələblərə cavab verməsi, həm dövlətin iradəsi, həm də ötən 10 ildə əldə olunmuş nəticələr bu strukturların daha keyfiyyətli fəaliyyətinə zəmin yaradır. İndi əsas vəzifə bu qurmların xalqın etimadını doğruldaraq, istənilən səviyyədə fəaliyyət göstərməsidir: “Biz ən layiqli şəxsləri bu qurumlara seçməliyik ki, gələcəkdə də onlardan nəsə konkret iş gözləyək. Bu mənada sizlər daima sınaqlardan uğurla çıxmış YAP-ın namizədlərinə tam etibar edə bilərsiniz. Mən sizin hər birinizi seçkilərdə fəal olmağa və YAP-ın namizədlərinə səs verməyə çağırıram”.
Aqşin ŞAHİNOÄžLU

Paylaş:

Baxılıb: 1435 dəfə