Heydər Əliyev
yeni azerbaycan logo

Ana səhifə / Siyasət / Heydər Əliyev Mərkəzinin binasının yeni fotosessiyası

Heydər Əliyev Mərkəzinin binasının yeni fotosessiyası

29.10.2013 [09:39]

Xəbər verdiyimiz kimi, noyabrın 5-də Bakıda Heydər Əliyev Mərkəzinin binasının beynəlxalq arxitektor təqdimat mərasimi keçiriləcək.
Mərkəzdən AzərTAc-a bildiriblər ki, beynəlxalq arxitektor təqdimatı ərəfəsində Heydər Əliyev Mərkəzinin binasının yeni fotosessiyası yayımlanıb.
Dünya memarlığının incilərindən sayılan Heydər Əliyev Mərkəzinin binası hazırda müasir Bakının rəmzlərindən biri hesab olunur. Binanın layihəsinin müəllifi dünya şöhrətli memar Zaha Hadiddir.
Heydər Əliyev Mərkəzinin nadir arxitektor quruluşa malik binası Azərbaycanın dinamik inkişafını, beynəlxalq aləmdəki birincilik uğrunda hədəflərini təcəssüm etdirir.
Binanın quruluşu - yerdən dalğavari şəkildə səmaya doğru yüksəlməsi, sonra isə süzülərək yenidən yerə qovuşması təkcə memarlığın postmodern tərzini deyil, eyni zamanda, davamlılığı, sonsuzluğu təcəssüm etdirir. Binanın üzərindəki xətlər həm də keçmişlə gələcəyin bir-birinə bağlılığını ifadə edir.
Layihənin inşasında düz xətlərdən istifadə olunmayıb.
Mərkəzin binasının daxili və xarici dizaynı arasında həmahənglik və qarşılıqlı əlaqə bu məkanı daxilən də hamıya yaxınlaşdırır.
Binanın ağ rəngdə olması aydın gələcəyi simvolizə etməklə yanaşı, həm də buradakı xüsusi elementləri nəzərə çarpdırmaq məqsədi daşıyır. Ağ rəng sayəsində işıq şüaları binanın səthi üzərində hərəkət edərək layihənin seçilən hissələrini vurğulayır.
Binanın inşası zamanı ümumi uzunluğu 90 kilometr təşkil edən dəmir konstruksiyalardan şəbəkə qurulub. Sahəsi 40 000 kvadratmetr olan dam örtüyündə hər biri fərqli ölçüdə və müxtəlif həndəsi fiqur - üçbucaq, düzbucaq, trapesiya, paraleloqram şəklində xüsusi tərkibli 12 027 ədəd paneldən istifadə olunub.
Əsas bina 3 bölmədən ibarətdir. Birinci bölmə Heydər Əliyev Muzeyi, ikinci 9 mərtəbədən ibarət olan sərgi zalları bölməsidir. Burada sərgi zalları, inzibati ofis və kafe yerləşir. Üçüncü bölmə dörd mərtəbədən ibarət olan audiorium bölməsidir. Burada 2 konfrans zalı (çoxməqsədli zal), görüş və toplantı otaqları, media mərkəzi yerləşir.

Paylaş:
Baxılıb: 952 dəfə

Xəbər lenti

Hamısına bax

Analitik

Gündəm

Avropada birinci!

02 May 11:59  

Siyasət

Gündəm

Analitik

Ədəbiyyat

Balaca Buker

02 May 08:54

Ədəbiyyat

Şənbə üçün nəzm

02 May 08:31  

YAP xəbərləri

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31