ADAU-da “Bitki mühafizəsi üzrə tədris proqramının beynəlxalq təhsil proqramına uyğunlaşdırılması” mövzusunda respublika seminar-müşavirəsi keçirilib

Bakı:

27 °C

61 %

9 m/s

AZ RU EN

Ana səhifə / Sosial / ADAU-da “Bitki mühafizəsi üzrə tədris proqramının beynəlxalq təhsil proqramına uyğunlaşdırılması” mövzusunda respublika seminar-müşavirəsi keçirilib

ADAU-da “Bitki mühafizəsi üzrə tədris proqramının beynəlxalq təhsil proqramına uyğunlaşdırılması” mövzusunda respublika seminar-müşavirəsi keçirilib

18.06.2015 [16:09]

2015-ci ilin 18 iyun tarixində Azərbaycan Dövlət Aqrar Universitetinin Aqronomluq fakültəsində “Kənd Təsərrüfatının Rəqabət Qabiliyyətinin Gücləndirilməsi Layihəsinin bitki sağlamlığı və fitosanitar sistemin təkmilləşdirilməsi sub-komponenti fəaliyyətləri” çərçivəsində “Bitki mühafizəsi üzrə tədris proqramının beynəlxalq təhsil proqramına uyğunlaşdırılması” mövzusunda bitki mühafizəsi sahəsi üzrə çalışan alimlərin, fermerlərin, torpaq mülkiyyətçilərinin və iş adamlarının iştirakı ilə işgüzar respublika seminar-müşavirəsi keçirilib.
Seminar-müşavirədə Azərbaycan Respublikası Kənd Təsərrüfatı Nazirliyi yanında Dövlət Fitosanitar Nəzarət Xidmətinin rəisi Camal Quliyev, Azərbaycan Milli Elmlər Akademiyası Genetik Ehtiyatlar, Elmi-Tədqiqat Əkinçilik, Elmi-Tədqiqat Üzümçülük və Şərabçılıq, Elmi-Tədqiqat Tərəvəzçilik, Elmi-Tədqiqat Bitki Mühafizə, Elmi-Tədqiqat Pambıqçılıq və Elmi-Tədqiqat İpəkçilik İnstitutlarının əməkdaşları iştirak edib.
Seminar-müşavirəni giriş sözü açan rektor, AMEA-nın müxbir üzvü, professor İbrahim Cəfərov çıxış edərək Azərbaycan Dövlət Aqrar Universitetində tədrisin yeni məzmunda təşkili istiqamətində həyata keçirilən tədbirlərin mühüm istiqamətləri, maddi-texniki bazanın möhkəmləndirilməsi, müasir laboratoriyaların quraşdırılması, cihaz və avadanlıqlarla təchizat işləri barədə danışıb, bitki mühafizəsi fənninin yeni tədris metodikası ilə tədbir iştirakçılarını tanış edib.
Seminar-müşavirədə iştirak edən Azərbaycan Respublikası Kənd Təsərrüfatı Nazirliyi yanında Dövlət Fitosanitar Nəzarət Xidmətinin rəisi Camal Quliyev dövlət tərəfindən fitonəzarət sahəsində həyata keçirilmiş tədbirlər və onların nəticələri, ADAU ilə əməkdaşlıq əlaqələrinin genişləndirilməsi məsələləri barədə danişıb.
Seminar-müşavirədə bitki mühafizəsi üzrə kadr hazırlığında beynəlxalq təcrübə, tədris proqramının beynəlxalq standartlara uyğunlaşdırılması və aparıcı aqrar yönümlü xarici ali təhsil müəssisələrinin proqramları ilə unifikasiyası, əmək bazarının tələblərinə uyğun ixtisaslı kadrların hazırlanması məsələləri müzakirə edilib, iştirakçılar universitetin maddi-texniki bazası ilə yaxından tanış olublar.
ADAU-nun mətbuat xidməti

Paylaş:

Baxılıb: 1989 dəfə