Azərbaycan cəmiyyətinin birmənalı seçimi Yeni Azərbaycan Partiyasının namizədi cənab İlham Əliyevdir

Bakı:

25 °C

67 %

8 m/s

AZ RU EN

Ana səhifə / YAP xəbərləri / Azərbaycan cəmiyyətinin birmənalı seçimi Yeni Azərbaycan Partiyasının namizədi cənab İlham Əliyevdir

Azərbaycan cəmiyyətinin birmənalı seçimi Yeni Azərbaycan Partiyasının namizədi cənab İlham Əliyevdir

19.09.2013 [10:10]

YAP Göygöl rayon təşkilatı təbliğat-təşviqat kampaniyası çərçivəsində seçicilərlə növbəti görüşlərini keçirib
Dünən YAP Göygöl rayon təşkilatı Yeni Azərbaycan Partiyasının prezidentliyə namizədi cənab İlham Əliyevin təbliğat-təşviqat kampaniyası çərçivəsində Hacıməlik qəsəbəsi və Mollacəlilli kəndində seçicilərlə növbəti görüşlərini keçirib.
Görüşləri giriş sözü ilə açan Yeni Azərbaycan Partiyasının Göygöl rayon təşkilatının sədri Turani Əliyev deyib ki, ötən 10 ildə Prezident İlham Əliyevin rəhbərliyi ilə Azərbaycan möhtəşəm inkişaf yolu keçib: “Həm daxili, həm də xarici siyasət ölkəmizin milli maraqlarına uyğun həyata keçirilib, Azərbaycan beynəlxalq aləmdə nüfuzlu dövlətə çevrilib. Bu gün Azərbaycanın sürətli iqtisadi inkişafı, təşəkkül tapmış möhkəm ictimai-siyasi sabitlik bir çox dünya ölkələrinə nümunədir”.
Onun sözlərinə görə, bütün bunların nəticəsidir ki, hazırda Azərbaycan cəmiyyətinin birmənalı seçimi Yeni Azərbaycan Partiyasının namizədi cənab İlham Əliyevdir. “Seçiciləri qarşıdan gələn prezident seçkilərində aktiv iştirak etməyə və partiyamızın namizədi cənab İlham Əliyevə səs verməyə çağırıram” - deyə, T.Əliyev əlavə edib. O, bildirib ki, cənab İlham Əliyevin üstün qələbəsi Azərbaycanın gələcəyə inamla addımlaması demək olacaq.
Təbliğat qrupunun üzvü Hacı Kərimov isə deyib ki, Ulu öndər Heydər Əliyevin əsasını qoyduğu milli inkişaf siyasəti bu gün cənab Prezident İlham Əliyev tərəfindən uğurla davam etdirilir. “Prezident İlham Əliyevin həyata keçirdiyi siyasətin mərkəzində Azərbaycan vətəndaşı durur. Sosialyönümlü iqtisadiyyat inkişaf etdirilir, hər bir sahə və sektorda dinamik inkişaf göstəriciləri qeydə alınır. Bütün bu əsaslar xalqımızın qarşıdan gələn prezident seçkilərində də cənab İlham Əliyevə səs verməsini şərtləndirir. Bu, Azərbaycanın parlaq gələcəyinə səs vermək deməkdir” - deyə, H.Kərimov vurğulayıb.
Yeni Azərbaycan Partiyasının Göygöl rayon təşkilatının sədr müavini Vüqar İsayev isə çıxışında “Müasir müstəqil Azərbaycanın inkişafı Heydər Əliyev ideyalarına və Prezident İlham Əliyevin siyasətinə əsaslanır”, deyib. Cənab İlham Əliyevin dünya miqyasında nüfuzlu siyasətçi kimi tanındığını bildirən sədr müavini əlavə edib ki, Azərbaycan xalqının yeganə seçimi Prezident İlham Əliyevdir. O, cənab İlham Əliyevin növbəti dəfə möhtəşəm qələbə qazanacağına əmin olduğunu əlavə edib.
Yeni Azərbaycan Partiyasının Göygöl rayon təşkilatının aparat rəhbəri Rəşad Veysov isə deyib ki, Azərbaycan cəmiyyətinin yeganə seçiminin cənab İlham Əliyev olması təsadüfi xarakter daşımır. “Cənab İlham Əliyev 10 il ərzindəki fəaliyyəti ilə hər bir azərbaycanlının Prezidenti olduğunu sübut etdi. Hesab edirəm ki, bu gün Azərbaycan seçicisi öz seçimini Prezident İlham Əliyevin lehinə etməlidir” - deyə, o, vurğulayıb.
NURLAN

Paylaş:

Baxılıb: 1408 dəfə