Səhiyyənin inkişafı dövlət siyasətinin mühüm prioritetidir

Bakı:

27 °C

74 %

7 m/s

Əlaqə

AZ RU EN

Ana səhifə / YAP xəbərləri / Səhiyyənin inkişafı dövlət siyasətinin mühüm prioritetidir

Səhiyyənin inkişafı dövlət siyasətinin mühüm prioritetidir

17.06.2026 [12:42]

İlqar İlyasov

Yeni Azərbaycan Partiyası Laçın rayon təşkilatının sədri

Azərbaycan Respublikasında səhiyyə sahəsinin inkişafı, əhalinin sağlamlığının qorunması və keyfiyyətli tibbi xidmətlə təmin olunması dövlət siyasətinin əsas istiqamətlərindən biridir. Tibb İşçilərinin Peşə Bayramı Günü münasibətilə səhiyyə sahəsində çalışan bütün əməkdaşlara dərin ehtiram və minnətdarlığımızı bildiririk. Onların cəmiyyət qarşısındakı xidməti yalnız peşə fəaliyyəti deyil, həm də yüksək mənəvi məsuliyyət və humanizm nümunəsidir.

Ulu Öndər Heydər Əliyev tərəfindən müəyyən edilmiş sosialyönümlü dövlət siyasətində insan amili daim ön planda dayanmışdır. Məhz bu siyasətin nəticəsində səhiyyə sisteminin inkişafı üçün möhkəm əsaslar yaradılmış, əhalinin tibbi xidmətlərə əlçatanlığının artırılması istiqamətində mühüm addımlar atılmışdır.

Bu gün Prezident İlham Əliyevin rəhbərliyi ilə ölkəmizdə səhiyyə sahəsində genişmiqyaslı islahatlar həyata keçirilir, müasir xəstəxanalar və tibb mərkəzləri istifadəyə verilir, tibbi xidmətlərin keyfiyyətinin yüksəldilməsi və rəqəmsallaşdırılması istiqamətində ardıcıl tədbirlər görülür. Birinci vitse-prezident Mehriban Əliyevanın təşəbbüsü ilə reallaşdırılan sosial layihələr də səhiyyə sisteminin inkişafına və vətəndaşların rifahının yüksəldilməsinə mühüm töhfələr verir.

Son illər ölkəmizin səhiyyə sistemi ən çətin sınaqlardan da uğurla çıxmışdır. Xüsusilə pandemiya dövründə tibb işçiləri böyük fədakarlıq nümayiş etdirərək xalqımızın sağlamlığının qorunması naminə gecə-gündüz çalışmış, öz peşə borclarını yüksək məsuliyyətlə yerinə yetirmişlər. Eyni zamanda Vətən müharibəsi zamanı və sonrakı dövrdə hərbi həkimlərimizin və tibb işçilərimizin göstərdikləri xidmətlər cəmiyyətimiz tərəfindən yüksək qiymətləndirilmişdir.

Azərbaycanın əldə etdiyi tarixi Zəfərdən sonra işğaldan azad olunmuş ərazilərdə aparılan geniş quruculuq və bərpa işləri çərçivəsində səhiyyə infrastrukturunun yenidən formalaşdırılması da xüsusi diqqət mərkəzindədir. Böyük Qayıdış proqramı çərçivəsində Laçın da daxil olmaqla azad edilmiş rayonlarımızda müasir standartlara cavab verən səhiyyə müəssisələrinin yaradılması insanların rahat və təhlükəsiz yaşayışının təmin olunmasına xidmət edir. Bu, dövlətimizin sosial siyasətinin və insan kapitalına verdiyi dəyərin bariz nümunəsidir.

Səhiyyə işçiləri cəmiyyətin ən etibarlı dayaqlarından biridir. Onların peşəkarlığı, vətənpərvərliyi və insanlara xidmət amalı sağlam cəmiyyətin formalaşmasında mühüm rol oynayır. Bu gün Azərbaycan səhiyyəsinin əldə etdiyi nailiyyətlərdə hər bir həkimin, tibb bacısının və səhiyyə işçisinin zəhməti vardır.

Tibb İşçilərinin Peşə Bayramı Günü münasibətilə bütün səhiyyə işçilərini səmimi-qəlbdən təbrik edir, onlara möhkəm cansağlığı, məsuliyyətli və şərəfli fəaliyyətlərində yeni uğurlar arzulayırıq.

Paylaş:

Baxılıb: 313 dəfə