Azərbaycanın enerji siyasəti uğurla inkişaf edir

Bakı:

27 °C

69 %

7 m/s

Əlaqə

AZ RU EN

Ana səhifə / YAP xəbərləri / Azərbaycanın enerji siyasəti uğurla inkişaf edir

Azərbaycanın enerji siyasəti uğurla inkişaf edir

05.06.2026 [14:02]

Bildiyimiz kimi, Bakı Ekspo Mərkəzində “Bakı Enerji Həftəsi” çərçivəsində 31-ci Beynəlxalq Xəzər Neft və Qaz Sərgisi “Caspian Oil and Gas”, 14-cü Xəzər Beynəlxalq Təmiz Enerji Sərgisi “Caspian Power” və 31-ci “Baku Energy Forum”un rəsmi açılış mərasimi keçirilib. Mərasimdə Azərbaycan Respublikasının Prezidenti İlham Əliyev iştirak edərək geniş nitq ilə çıxış edib. Dövlət başçısı çıxışı zamanı olduqca əhəmiyyətli məsələlərə toxunaraq Azərbaycanın enerji siyasəti, bu istiqamətdə görülən işlər, əldə olunan uğurlar, yaşıl enerji gündəliyi və qarşıdakı perspektivlər barədə ətraflı fikir bildirib. Bakı Enerji Həftəsi qlobal enerji səhnəsində aparıcı tədbirlərdən biridir və bu sahənin qlobal əhəmiyyətinə əsaslı diqqət yönəldir.

Prezident İlham Əliyev vurğulayıb ki, qonaqların çıxışları zamanı Azərbaycanda enerji siyasətinin uğurlu əsasının məhz 1994-cü ildə qoyulmasının qeyd edilməsi tamamilə həqiqətdir. Belə ki, yenicə müstəqilliyini qazanmış bir ölkə kimi Azərbaycan çox çətin iqtisadi vəziyyətdə idi. Eyni zamanda Ermənistanın işağlı nəticəsində torpaqlarımızın 20 faizə yaxını işğal edilmiş və böyük maddi ziyana məruz qalmışdır. Belə olan halda yenicə müstəqil olmuş ölkənin qarşısında duran əsas və həlli vacib məsələlərdən biri məhz uğurlu iqtisadi və enerji siyasətinin yürüdülməsi idi. Məhz ulu öndər Heydər Əliyevin rəhbərliyi ilə bütün sahələrdə olduğu kimi enerji sahəsində də mühüm islahatlara başlanıldı və bu sahənin inkişafı dövlət siyasətinin prioritetlərindən biri oldu. Ölkəmiz öz təbii sərvətlərindən səmərəli istifadə edərək ordan əldə olunan gəlirlərin dövlətin inkişafına və xalqına rifahına sərf edilməsinə müvəffəq oldu. Bu sərvətlər xalqımızın maraqlarına uyğun olaraq Azərbaycanın tərəqqisinə və çiçəklənməsinə sərf edildi.

Dövlət başçısının sözlərinə görə zaman-zaman bəzi ölkələr enerji siyasətinə və təbii sərvətlərindən istifadəyə görə əsassız ittihamlarla üz-üzə qalıb. Lakin hər bir ölkə sahib olduğu sərvətlərdən istifadə hüququna sahibdir. Sadəcə önəmli olan həmin sərvətlərin müstəqil şəkildə idarə olunması və dövlətinin, xalqının gələcəyinə sərf edilməsidir. Azərbaycan bu baxımdan müdrik siyasət yürüdür və enerji mənələrindən uğurla, məqsədyönlü şəkildə istifadə edir.

Xüsusilə vurğulamaq lazımdır ki, Azərbaycan bu sərvətlərdən həmçinin sosial infrastruktura, təhsilə, səhiyyəyə böyük yatırımlar edib və bu sahələrdə davamlı inkişafa nail olub. Azərbaycanın bu siyasəti digər ölkələrə nümunə olmalıdır.

Bu gün Azərbaycanın iqtisadi fəaliyyəti dinamikdir. Dövlət başçısı İlham Əliyevin də qeyd etdiyi kimi beynəlxalq reytinq agentliklərində mövqeyimiz ildən-ilə artır. Ölkəmizdə yoxsulluq səviyyəsi 5 faizə enib, işsizlik də təqribən eyni rəqəm səviyyəsindədir. Xarici borcumuz əhəmiyyətli dərəcədə azalıb və o, təqribən ümumi daxili məhsulun 6 faizindən çoxdur.

Bir sözlə, Bakı Enerji Həftəsinin rəsmi açılış mərasimində səsləndirilən fikirlər bir daha göstərdi ki, Azərbaycan enerji təhlükəsizliyi, iqtisadi inkişaf və yaşıl enerji transformasiyası istiqamətlərində ardıcıl siyasət həyata keçirir və bu siyasət təkcə ölkəmiz üçün deyil, regional və qlobal məkanda da yeni imkanlar açır.

Vüsar İsmayılov

Yeni Azərbaycan Partiyası Binəqədi rayon təşkilatının sədri

Paylaş:

Baxılıb: 608 dəfə