Ağstafada “15 İyun – Milli Qurtuluş Günü” münasibətilə tədbir keçirilib

Bakı:

24 °C

58 %

3 m/s

Əlaqə

AZ RU EN

Ana səhifə / YAP xəbərləri / Ağstafada “15 İyun – Milli Qurtuluş Günü” münasibətilə tədbir keçirilib

Ağstafada “15 İyun – Milli Qurtuluş Günü” münasibətilə tədbir keçirilib

08.06.2026 [16:00]

“Şəhərsalma və Memarlıq İli” çərçivəsində Yeni Azərbaycan Partiyası (YAP) Ağstafa rayon təşkilatı tərəfindən “Dağ Kəsəmən kənd”, “Heydər Əliyev prospekti 4”, “Heydər Əliyev prospekti 38” və “Şıxəli Qurbanov küçəsi 19” Ərazi Partiya Təşkilatlarından olan partiya fəallarının iştirakı ilə “15 İyun – Milli Qurtuluş Günü” münasibətilə tədbir keçirilib.

Tədbir başlamazdan əvvəl müasir müstəqil Azərbaycan dövlətinin banisi, ümummilli lider Heydər Əliyevin və Azərbaycanın ərazi bütövlüyü uğrunda canından keçən şəhidlərimizin əziz xatirəsi bir dəqiqəlik sükutla yad edilib.

Tədbiri giriş sözü ilə açan YAP Ağstafa rayon təşkilatının sədr müavini Yalçın İsmayılov bildirib ki, iyunun 15-i xalqımız üçün əsl qurtuluş tarixidir. Bu tarixi yaradan isə Azərbaycanın müstəqilliyinin qorunub saxlanmasında, möhkəmlənməsində, inkişafında müstəsna rol oynayan, daim xalqına arxalanan və xalqına arxa, dayaq olan Ümummilli Lider Heydər Əliyevdir. İyunun 15-də Heydər Əliyev Azərbaycan Ali Sovetinin sədri seçildi. Ulu Öndər böyük risklərə baxmayaraq, xalqın qurtuluşu missiyasını cəsarətlə öz üzərinə götürdü. Bu mühüm tarixi gün xalqımızın yaddaşına Milli Qurtuluş Günü kimi həkk oldu və 1997-ci ildən etibarən parlamentin qərarı ilə rəsmi bayram kimi qeyd edilir.

Daha sonra çıxış edən natiqlər – partiya fəalı Solmaz Nağıyeva, Dağ Kəsəmən kənd Mədəniyyət evinin müdiri Fəridə Ərəbova, “Heydər Əliyev prospekti 4” Ərazi Partiya Təşkilatının sədri Sənan Quliyev, Dağ Kəsəmən kənd Mədəniyyət evinin əməkdaşı Alidə Yolçuyeva və “Şıxəli Qurbanov küçəsi 19” Ərazi Partiya Təşkilatının fəal üzvü Cavid Əmiraslanov geniş məruzə ilə çıxış edərək qeyd ediblər ki, azadlıq və müstəqillik həm vətəndaş, həm də xalq üçün ən müqəddəs dəyərdir. Biz azadlığımızı illərlə gözləmiş, onun uğrunda mübarizə aparmış və bu yolda minlərlə şəhid vermişik. Ancaq hər birimiz bilirik ki, azadlığı qoruyub saxlamaq onu əldə etməkdən dəfələrlə çətindir.Tariximizə Milli Qurtuluş Günü kimi daxil olan 15 iyun günü də Azərbaycan xalqının öz müqəddəratını həll etdiyi,dövlət müstəqilliyini yenidən bərpa etdiyi xüsusi gündür. Bu gün qazanılan bütün nailiyyətlərin əsasında Ümummilli Lider tərəfindən müəyyənləşdirilən siyasi kurs və Prezident İlham Əliyevin bu siyasi kursu uğurla davam etdirməsi faktı dayanır. Prezident İlham Əliyevin bu siyasəti uğurla həyata keçirməsi nəticəsində Azərbaycan dünyanın dinamik inkişaf edən, modernləşən, beynəlxalq miqyasda nüfuzu gündən-günə artan dövlətinə çevrilib, ötən dövr ərzində möhtəşəm iqtisadi uğurlara imza atılıb. Bu gün xalqımız əmindir ki, müstəqil Azərbaycan Heydər Əliyev ideyaları işığında Prezident İlham Əliyevin rəhbərliyi ilə daha yüksək zirvələr fəth edəcək.

Paylaş:

Baxılıb: 321 dəfə