Beyləqanda Milli Qurtuluş Gününə həsr olunmuş “Xalqa bağışlanan ömür” mövzusunda tədbir keçirilib

Bakı:

28 °C

61 %

12 m/s

AZ RU EN

Ana səhifə / YAP xəbərləri / Beyləqanda Milli Qurtuluş Gününə həsr olunmuş “Xalqa bağışlanan ömür” mövzusunda tədbir keçirilib

Beyləqanda Milli Qurtuluş Gününə həsr olunmuş “Xalqa bağışlanan ömür” mövzusunda tədbir keçirilib

11.06.2026 [17:10]

Yeni Azərbaycan Partiyası Beyləqan rayon təşkilatında “Şəhərsalma və Memarlıq İli” çərçivəsində 15 İyun - Milli Qurtuluş Gününə həsr olunmuş “Xalqa bağışlanan ömür” mövzusunda tədbir keçirilib.

Tədbirdə Beyləqan rayon İcra Hakimiyyəti başçısının birinci müavini Telman Məstanov, Beyləqan rayon Ağsaqqallar şurasının sədri Etibar İmanov, Mil-Muğan regional Təhsil İdarəsinin Beyləqan rayon üzrə Təhsil Sektorunun müdiri Elvin Abbasov, DSMF-nin Mil-Muğan Regional Filialının Beyləqan rayon Qəbul şöbəsinin müdiri Ülfət Vəliyev, Beyləqan İdman Olimpiya Kompleksinin direktoru Gündüz İsgəndərov və Ərazi partiya təşkilat sədrləri iştirak ediblər.

Tədbirdə Azərbaycan Respublikasının Dövlət Himni səsləndirildikdən sonra Ulu öndər Heydər Əliyevin və Vətən müharibəsi şəhidlərinin əziz xatirəsi bir dəqiqəlik sükutla yad edildi.

Yığıncağı giriş sözü ilə açan Yeni Azərbaycan Partiyası Beyləqan rayon təşkilatının sədri Müşfiq Səfərov bildirdi ki, Bəzi tarixi günlər xalqın gələcəyini müəyyən edən böyük başlanğıcların əsasını qoyur. Tariximizə Milli Qurtuluş Günü kimi daxil olan 1993-cü ilin 15 iyun gününün mahiyyətini hamımız sevgilərlə yaşayırıq. Milli Qurtuluş Günü böyük ictimai, siyasi və tarixi əhəmiyyətə malik gündür. Vətənini, xalqını sevənlər, çətin günlərin ağrılarını, dəhşətlərini yaşayanlar, hadisələri görənlər üçün 15 iyun əsl Qurtuluş Günü, Azərbaycan dövlətçiliyinin ölüm-dirim mübarizəsinin tarixidir. Müstəqilliyin ilk illərində ölkədə özbaşınalıq hökm sürürdü, orduda vəziyyət ağır idi. Erməni təcavüzü güclənirdi. Azərbaycanda hakimiyyət boşluğu yaranmışdı. Bu dövrdə gərginləşən siyasi vəziyyət, əhalinin ağırlaşan sosial durumu ölkəni bu bəlalardan xilas edə biləcək, xalqı öz arxasınca aparmağa qadir liderə ehtiyac olduğunu şərtləndirirdi. Cəmiyyətin bütün təbəqələri əmin idi ki, yenicə müstəqillik qazanmış ölkəni düşdüyü ağır və dözülməz vəziyyətdən çıxarmağa qadir yeganə şəxsiyyət Heydər Əliyevdir. Əslində, bu, bütün xalqın ürəyinin səsi idi. Xalqın təkidli tələbi ilə hakimiyyətə qayıdan Heydər Əliyev iyunun 15-də Azərbaycan Ali Sovetinin sədri seçildi. Bununla da ölkədə uzun illər davam edən gərginlik və qarşıdurma səngidi, respublikamız vətəndaş müharibəsindən və parçalanma təhlükəsindən xilas oldu. Bu gün Azərbaycanın müstəqil dövlət kimi mövcudluğu və inkişafı liderlik amili ilə birbaşa bağlıdır.Ölkəmizin inkişafında, gələcəyə əmin addımlarla irəliləməsində lider fenomeni müstəsna əhəmiyyətə malikdir. Bu da bir həqiqətdir ki, müasir Azərbaycan dövlətinin tarixin səhnəsində özünəməxsus yer tutmasını, gerçək müstəqilliyini əldə edərək qoruyub saxlamasını təmin edən dahi şəxsiyyət, əbədiyaşar lider, Ulu Öndər Heydər Əliyev olmuşdur.

Müstəqil Azərbaycan Ulu Öndərin şah əsəridir. Təməli dahi şəxsiyyət Heydər Əliyev tərəfindən qoyulan hüquqi dövlət quruculuğunun Azərbaycan modeli bu gün Ulu Öndərin siyasi kursunun layiqli davamçısı, Müzəffər Ali Baş Komandan İlham Əliyev tərəfindən ən yüksək səviyyədə davam etdirilməkdədir. Ali Baş Komandan cənab İlham Əliyevin rəhbərliyi ilə tarixi ədalət və ölkəmizin ərazi bütövlüyü bərpa edildi. Şübhəsiz ki, sentyabrın 27-dən başlayan, 44 gün davam edən işğal altındakı ərazilərimizin qaytarılması ilə nəticələnən Vətən müharibəsi çoxəsrlik dövlətçilik tariximizin şanlı qürur səhifəsidir.

Azərbaycan öz iqtisadiyyatının gücü və qüdrəti hesabına “Böyük Qayıdış” proqramını reallaşdırır və mərhələ-mərhələ bütün hədəflərimizə çatırıq. Prezident cənab İlham Əliyevin rəhbərliyi altında “Böyük Qayıdış” proqramının uğurla icra olunması İşğaldan azad olmuş ərazilərimizi təkrarən cənnətə çevirir və biz bu prosesin canlı şahidləriyik.

Tədbirdə çıxış edən Beyləqan rayon İcra Hakimiyyəti başçısının birinci müavini Telman Məstanov qeyd etdi ki, Ulu öndər Heydər Əliyevin hakimiyyətə qayıdışından sonra ölkədə baş vermiş sosial-iqtisadi və siyasi inkişaf dövlətimizin möhkəmlənməsində, sivil dünyaya sıx inteqrasiya prosesinə qoşulmasında və xalqımızın strateji mənafelərini təmin edən modern cəmiyyətin qurulmasında həlledici rol oynadı. Beləliklə, bu mühüm tarixi gün xalqımızın yaddaşına Milli Qurtuluş Günü kimi həkk oldu və 1997-ci ildən etibarən rəsmi bayram kimi qeyd edilir. Milli qurtuluşdan başlanan yolun zirvəsində tarixi Zəfərimiz dayanır. Əsası Ulu Öndər Heydər Əliyev tərəfindən qoyulan və inkişafı hədəfləyən uğurlu dövlət siyasəti bu gün Prezident cənab İlham Əliyev tərəfindən uğurla davam etdirilir.

Sonra məruzə ilə çıxış edən Beyləqan rayon Ağsaqqallar şurasının sədri Etibar İmanov, Allahyarlı Ərazi partiya təşkilatının sədri Ərşad Hüseynov və Nizami Ağayev adına Beyləqan şəhər 6 nömrəli tam orta ümumtəhsil məktəbinin direktoru Eyruz Pəsiyev bildirdilər ki, Azərbaycan xalqının taleyində böyük əhəmiyyət daşıyan elə günlər var ki, həmin günlərdə onun gələcək həyatını müəyyən edən mühüm başlanğıcların əsası qoyulub. Belə günlərdən ən önəmlisi tariximizə qızıl hərflərlə yazılmış 15 İyun – Milli Qurtuluş Günüdür. Heydər Əliyevin yenilməz iradəsi, uzaqgörənliyi, fədakarlığı onu bütün dünya azərbaycanlılarının lideri edib, ömür yolu doğma Vətənə xidmət nümunəsinə çevrilib. Bütün şüurlu həyatını canından artıq sevdiyi xalqına, ölkəsinə həsr etmiş bu müdrik siyasi və dövlət xadimi tariximizdə müstəqilliyimizin memarı və qurucusu kimi yer tutub.

Çıxışlar bitdikdən sonra bir qrup gəncə yeni partiya vəsiqələri, rayon təşkilatının ictimai-siyasi həyatında fərqlənən partiya üzvlərinə isə Fəxri Fərmanlar təqdim edildi.

Tədbir Yeni Azərbaycan partiyasının himni səsləndirildikdən sonra başa çatdı.

Paylaş:

Baxılıb: 463 dəfə